Dalga Televiziyasi İdman
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün3312
DünənDünən3495
Bu həftəBu həftə3312
Bu ayBu ay30002
Bu günə qədərBu günə qədər2878443

Bizi Paylaşın

Video Xəbərlər

 

Təqvim


Bakıda keçiriləcək Avropa Liqasının finalının loqosu təqdim olundu

AFFA-nın baş katibi Elxan Məmmədov bu gün UEFA Avropa Liqasının qrup mərhələsinin Monakoda keçiriləcək püşkatma mərasimində iştirak edəcək.

O öncə Bakı şəhərinin qitənin ikinci mötəbər futbol tədbirinə ev sahibliyi etməsi ilə bağlı açıqlama verib:

"Nüfuzuna görə ikinci ən böyük klublararası futbol turnirinin – UEFA Avropa Liqasının final oyunu təşkilati baxımdan AFFA üçün ilk təcrübə deyil. 2012-ci ildə FIFA U-17 qızlar arasında dünya çempionatı, 2016-cı ildə isə UEFA U-17 Avropa çempionatı ölkəmizdə keçirilib. Amma söhbət bir mötəbər oyundan və çox nüfuzlu klub turnirinin final qarşılaşmasından gedirsə, təbii ki, UEFA Avropa Liqasının final matçı həm AFFA, həm paytaxtımız, həm də Bakı Olimpiya Stadionu üçün möhtəşəm bir ilkdir.

 

Bu oyunun ev sahibi hüququnun əldə olunması, hazırlıq işlərinin görülməsi prosesində dövlətimizin, xüsusilə Respublika Prezidenti cənab İlham Əliyevin dəstəyini hər zaman hiss etmişik. Cənab Prezidentin imzaladığı müvafiq sərəncamlara uyğun olaraq, 2019-cu il mayın 29-da keçiriləcək final oyununa hazırlıq davam edir. 

İnanırıq ki, Bakıda keçiriləcək final oyunu UEFA Avropa Liqası turnirinin indiyə qədər keçirilmiş final qarşılaşmaları arasında ən yaxşılardan biri, bəlkə də birincisi olacaq. UEFA Avropa Liqası turnirinin bu gün keçiriləcək püşkatma mərasimi bizim üçün xüsusi əhəmiyyət kəsb edir. Çünki təmsilçimiz “Qarabağ” növbəti dəfə ölkəmizin futbol ictimaiyyətini sevindirərək qrup mərhələsinə vəsiqə qazanıb. Bu həm də o anlama gəlir ki, gələn ilin mayında Bakı Olimpiya Stadionunda keçiriləcək final oyununda "Qarabağ"ın da çıxış etmək şansı var. Bu, bizim böyük arzumuzdur.

"Qarabağ"dan möhtəşəm oyun və parlaq qələbə

Avropa Liqasının "play-off" mərhələsinin cavab oyununda "Qarabağ" böyük hesabla qalib gəlib.


Bu gün futbol üzrə Avropa Liqasının "play-off" mərhələsinin cavab oyunları keçirilib.

Ağdamın "Qarabağ" klubu Bakıda Moldovanın "Şerif" komandasını qəbul edib. Bu komandalar arasında bir həftə əvvəl Moldovada keçirilmiş görüş 1:0 hesabı ilə "Şerif"in qələbəsi ilə bitmişdi.

Bakıdakı görüşdə hesab 9-cu dəqiqədə açılıb. Maksim Medvedev dəqiq zərbə ilə "Qarabağ"ı irəli çıxarıb — 1:0. 42-ci dəqiqədə Donald Geryr ikinci topu vurub — 2:0. Birinci hissə bu hesabla başa çatıb. 

İkinci hissədə 55-ci dəqiqədə Filip Ozobiç Ağdam təmsilçisinin üçüncü topunu vurub — 3:0.

 

Elm təsdiqlədi — Xərçənglə mübarizə aparan maddə bu qidalardadır

Elm adamları xərçəng xəstəliyinin müalicəsi mövzusunda ümidverici bir kəşfə imza atıblar.

Bəzi bitkilərdəki bir maddənin bağırsaq xərçənginə qalib gəldiyi müəyyən edilib.

Alimlərin apardığı araşdırmalar zamanı məlum olub ki, gül kələmi, kələm və brokkoli xərçəngə təsir edir.

Professor Konq məsələ ilə bağlı deyib:

"Tədqiqatlar sübut etdi ki, qidalanma ilə xərçəngdən qorunma arasında əlaqə var. Yediyimiz bəzi maddələrin içində xərçəngin yaranmasının qarşısını alan maddələr var. Bunlardan birincisi isə gül kələmidir.

ABŞ-ın elmi institutları isə 2010-cu ildən gül kələmi qrupuna daxil olan tərəvəzlərin xərçəngə təsirini araşdırıb. Bu zaman xəstələrin gül kələmi ilə qidalanması və yaşayışları arasındakı statistik rəqəmlər nəzərə alınıb.

Məlum olub ki, gül kələminin tərkibində olan maddə xərçəngə qarşı mübarizə aparır. Bu maddə eyni zamanda kələmin və brokkolinin də tərkibində var.
Kələm bundan başqa gündəlik vitamin və minerallar üçün çox faydalıdır. Kalsium, maqnezium, potasium, C və K vitaminləri, beta karoten və hətta az miqdarda lutein var.

Bir kasa bişmiş kələmin tərkibində 4 qram lif var. Bir kasa çiy kələmin tərkibində isə 2 qram lif var. İngiltərədə aparılan tədqiqatlar isə kələm qrupuna daxil tərəvəzlərin tərkibində indol-3 karbinol adlı maddə olduğunu və bu maddənin xərçəng hüceyrələrini öldürməyə kömək etdiyini üzə çıxarıb. Xüsusən də kimyəvi terapiya müalicəsi alan xəstələrə məsləhət görülür.

Bir neçə il aparılan tədqiqat sübut edib ki, indol maddəsi metabolizmaya müsbət təsir edir və xərçəng riskini azaldır. 

Kələmin tərkibində olan digə fito kimyəvi maddələr orqanizmdə xərçəngə qarşı mübarizə aparan maddələrin istehsalını artırır. Bu maddələr də prostat xərçənginə qarşı mübarizə aparan maddələrdir. Stenford universitetinin tədqiqat nəticələrinə əsasən, kələmin tərkibində olan sulfo rofan maddəsi bu maddələri aktiv şəkildə dəstəkləyir.

Kələmin tərkibində xərçəngə qarşı mübarizə aparan başqa bir maddə qrupu isə qlükosionatlardır.

Kələm bundan başqa qan azlığı olan insanlara, astma problemi olan insanlara faydalıdır. Öskürəyi azaldır, bəlğəmi parçalayır, qəbz problemini həll edir.

“Qarabağ” BATE-yə uduzdu

Bu gün Çempionlar Liqasının 3-cü təsnifat mərhələsinə start verilib.

Turnirdə ölkəmizi təmsil edən "Qarabağ" da ilk oyununa çıxıb.

Qurban Qurbanovun komandası Belarusun BATE klubunu qəbul edib. Tofiq Bəhramov adına Respublika stadionunda keçirilən qarşılaşmada qonaqlar daha yaxşı təsir bağışlayıb.

 

Görüşün 36-cı dəqiqəsində Stanislav Draqunun vurduğu qol Belarus çempionuna səfər qələbəsini təmin edib – 0:1.

Rəqiblərin təkrar oyunu bir həftə sonra Belarusda baş tutacaq. 

Qeyd edək ki, “Qarabağ” - BATE cütünün qalibi pley-off-da Hollandiyanın PSV klubu ilə qarşılaşacaq.

"Qarabağ" və BATE komandalarının start heyətləri açıqlanıb

Futbol üzrə Çempionlar Liqasının III təsnifat mərhələsinin ilk oyununda üz-üzə gələcək "Qarabağ" və Belarusun BATE klublarının start heyətləri açıqlanıb.

Meydan sahiblərinin baş məşqçisi Qurban Qurbanov ilk dəfə islandiyalı qapıçı Hannes Halldorssonun xidmətindən yararlanacaq. Bundan başqa 18-likdən kənar qalan Dani Kintananı daha bir yeni transfer Con Delarj əvəzləyib.

"Qarabağ": 1. Hannes Halldorsson, 2. Qara Qarayev, 5. Maksim Medvedev, 6. Simeon Slavçev, 7. İnnosent Emeqara, 8. Miçel, 14. Rəşad Sadıqov (k), 17. Abdullah Zubir, 28. Con Delarj, 55. Bədavi Hüseynov, 77. Donald Gerrye

Ehtiyat oyunçular: 13. Vaqner, 11. Mahir Mədətov, 19. Filip Ozobiç, 25. Ansi Aqolli, 30. Abbas Hüseynov, 52. Yakub Jezniçak, 91. Coşqun Diniyev

Baş məşqçi: Qurban Qurbanov

BATE: 48. Denis Şerbitski, 4. Aleksandr Filopiviç, 5. Yevgeni Yablonski, 8. Stanislav Draqun, 10. Mirko İvaniç, 13. Nikolay Siqneviç, 17. Aleksey Rios, 21. Yeqor Filipenko, 22. İqor Staseviç (k.), 25. Dmitri Baqa, 42. Maksim Volodko

Ehtiyat oyunçular: 35. Anton Çiçkan, 7. Yevgeni Beryozkin, 11. Aleksandr Qleb, 15. Maksim Skavış, 23. Zaxar Bolkov, 24. Yasse Tuominen, 45. Vladislav Muxamedov

Baş məşqçi: Aleksey Baqa

Qeyd edək ki, bu gün Tofiq Bəhramov adına Respublika stadionunda keçiriləcək oyun saat 21:00-da başlanacaq. 

“Qarabağ qaziləri” Tbilisidə yoldaşlıq oyunu keçirib

Tbilisidə "Qarabağ qaziləri" amputant futbol komandası ilə Gürcüstanın Avropa çempionu olmuş veteranlardan ibarət "Tbilisi" komandası arasında yoldaşlıq oyunu keçirilib.

APA-nın yerli bürosunun məlumatına görə, oyun Avropa Amputant Futbol Federasiyasının təşkilatçılığı ilə baş tutub.

Qarşılaşma Azərbaycan və Gürcüstanın dövlət himnlərinin səsləndirilməsi ilə başlayıb. Görüşün birinci hissəsi 5:0 hesabı ilə "Tbilisi" komandasının, ikinci hissəsi isə 3:1 "Qarabağ qaziləri"nin xeyrinə nəticələnib. Beləliklə, matç "Tbilisi" komandasının 6:3 hesablı qələbəsi ilə başa çatıb.

Oyunu izləyənlər arasında Azərbaycanın Gürcüstandakı səfirliyinin, hər iki ölkənin futbol federasiyalarının, Gürcüstanın Veteranlarla İş üzrə Dövlət Xidmətinin nümayəndələri də olub.

Qeyd edək ki, “Qarabağ qaziləri” futbol klubu bu ilin aprelində yaradılıb. Bu ilin mayında "Qarabağ qaziləri" Bakıda keçirilmiş yoldaşlıq yarışında 3:2 hesabı ilə "Tbilisi" komandasına qalib gəlib

 

İngiltərə Panamanı darmadağın etdi — 6:1

Futbol üzrə İngiltərə yığması DÇ-2018-in qrup mərhələsinin II turunda Panama üzərində böyükhesablı qələbə qazanıb.

 Nijnıy Novqorodun eyniadlı stadionunda keçirilən görüş 6:1 hesabı ilə avropalıların xeyrinə başa çatıb.

İngilislərin heyətində Harri Keyn het-trik, Con Stouns dubl edib. Cessi Linqard isə bir dəfə fərqlənməyə macal tapıb. Panamanın dünya çempionatında ilk qolunu isə Felipe Baloy vurub.

İngiltərə yığması bu qələbə sayəsində xallarının sayını Belçika ilə birgə 6 xala çatdıraraq turnirin "play-off" mərhələsinə vəsiqə qazanıb.

Panama və Tunis 1/8 finala çıxmaq şanslarını itirib.

 

DÇ-2018 – final mərhələsi. G qrupu. 2-ci tur

İngiltərə – Panama - 6:1

Qollar: 1:0 – Stouns – 8, 2:0 – Keyn – 22 (pen), 3:0 – Linqard – 36, 4:0 – Stouns – 40, 5:0 – Keyn – 45+1 (pen), 6:0 – Keyn – 62, 6:1 – Baloy – 78.

Formula 1-də ilk qəza — 3 pilot yarışı tərk etdi

Formula 1 Azərbaycan Qran-Prisinin startında həyəcanlı anlar yaşanıb.

start verilən kimi birinci dövrədəcə iki pilot mübarizəni dayandırmalı olub. "Force India" komandasının pilotu Eseteban Okon və "Williams" komandasının pilotu Sergey Sirotkin qəza törədiblər. Nəticədə hər iki pilotun bolidi yararsız hala düşüb. Hər iki pilot birinci döngəni tamamlamadan yarışda mübarizəni dayandırıblar.

"McLaren" komandasının pilotu Fernando Alonso isə yarış zamanı bolidinin ön və arxa təkəri partlasa da, pit-stopa gedərək təkərləri dəyişə bilib və mübarizəni davam etdirir.

Qeyd edək ki, "Renault" komandasının pilotu Niko Hulkenberq inamla mübarizə aparsa da, bolidinin təkərinin partlamasından sonra divara çırpılması nəticəsində yarışı dayandırmalı olub.

Azərbaycan prezidenti Formula 1 Azərbaycan Qran-Prisinin açılış mərasiminə və final yarışına baxıb

alt

Bu gün Azərbaycan prezidenti İlham Əliyev, birinci xanım Mehriban Əliyeva və ailə üzvləri Formula 1 üzrə dünya çempionatının dördüncü mərhələsinin - Azərbaycan Qran-Prisinin əsas yarışına baxıblar.

APA-nın məlumatına görə, dövlət başçısı və birinci xanım əvvəlcə yarışın paytaxtın Azadlıq meydanındakı idarəetmə mərkəzində yaradılan şəraitlə tanış olublar.

Məlumat verilib ki, böyük ərazini əhatə edən kompleksdə yarışa nəzarət binası, Beynəlxalq Avtomobil Federasiyasının, Formula 1 rəhbərliyinin ofisləri, eləcə də iştirakçıların hər biri üçün dayanacaqlar tikilib. Burada Paddok klubun üzvləri üçün də yerlər nəzərdə tutulub. Paddok klubun üzvləri burada pit-stop əməliyyatlarını rahatlıqla izləyirlər. Məhz bu ərazidə yarışın startı və finişi yerləşir. Sonra pilotların paradı və açılış mərasimi keçirilib.

Gərgin idman mübarizəsi şəraitində keçən Qran-Prinin əsas mərhələsində finiş xəttinə birinci "Mersedes" komandasının britaniyalı pilotu Luis Hamilton çatdı. "Ferrari"nin sürücüsü Kimi Raikkonen ikinci, “Force India” komandasının pilotu Serxio Peres isə üçüncü olublar. Sonra qaliblərin mükafaƏliyevtlandırılması mərasimi keçirilib. Azərbaycan Qran-Prisinin qalibi Luis Hamiltona kuboku Azərbaycan prezidenti İlhan İlham Əliyev təqdim edib. Azərbaycanın birinci xanımı Mehriban Əliyeva Konstruktorlar kubokunu "Mersedes" komandasının nümayəndəsinə təqdim edib.

İkinci yerin sahibi, "Ferrari"nin sürücüsü Kimi Raikkonenə kuboku Azərbaycanın gənclər və idman naziri Azad Rəhimov, üçüncü yeri tutan “Force India” komandasının pilotu Serxio Peresə isə kuboku Azərbaycan Avtomobil Federasiyasının prezidenti Anar Ələkbərov təqdim ediblər.

Bakıda keçirilən idman gimnastika üzrə dünya kuboku yarışlarına yekun vurulub

Bu gün Milli Gimnastika Arenasında keçirilən idman gimnastikası üzrə dünya kubokunun final mərhələsinin ikinci gününə yekun vurulub.

APA-nın AzərTAC-a istinadən verdiyi məlumata görə, sonuncu final günündə kişi gimnastlar arasında dayaqlı tullanma, dəstəli at və turnikdə, qadın idmançılarda isə gimnastika tiri və sərbəst hərəkətlərdə final oyunları keçirilib.

Kişilər arasında dayaqlı tullanmada Belarus təmsilçisi Pavel Bulauski (14.283 xal) bütün rəqiblərini üstələyərək qızıl medala sahib olub. Filippinli gimnast Yulo Carlos Edrial (14.183 xal) dünya kubokunun ikincisi olub. İlk üçlüyü isə gürcüstanlı Konstantin Kuzovkov (14.133 xal) tamamlayıb.

Türklər “Qarabağ” haqqında film hazırladı

Futbol üzrə Azərbaycan çempionu "Qarabağ"ın son illərdəki uğurları ilə bağlı yeni film hazırlanıb. 

"Qətliamdan Çempionlar Liqasına gedən komanda: "Qarabağ"ın hekayəsi" adlı filmdə Ağdam klubunun tarixinə nəzər salınıb, eləcə də son uğurlarından söhbət açılıb.

Türkiyəli həmkarlarımız tərəfindən ərsəyə gətirilmiş həmin filmi təqdim edirik:

https://youtu.be/DKIzWb4d3u4

Güləşçilərimiz erməniləri döşəyə çıxmağa peşman etdi

Xəbər verdiyimiz kimi, həftəsonu Kiyevdə Ukraynanın görkəmli güləşçi və məşqçilərinin xatirəsinə həsr olunmuş sərbəst, yunan-Roma və qadın güləşi üzrə XXII beynəlxalq turnir keçirilib.

Bu turnirdə iştirak edən 31 güləşçidən altısı Ermənistan idmançısı ilə qarşılaşıb. Bu idmançılardan beşi erməni həmkarları üzərində qələbə qazanıb.

Belə ki, sərbəst güləşdə 61 kq çəki dərəcəsində mübarizə aparan Qalib Əliyev təsəlliverici görüşdə Qarik Barseqyanla qarşılaşıb və rəqibi üzərində 10:0 hesablı təmiz qələbə qazanıb. Lakin Qalib bürünc medalın qalibi ola bilməyib. O, amerikalı Co Kolona uduzub.

63 kq çəki dərəcəsində çıxış edən yunan-Roma güləşçimiz Taleh Məmmədov yarımfinalda Slavik Qalstyandan aşkar fərqlə üstün olub. O, 7:0 hesabı ilə erməni idmançıya qalib gəlib. Taleh finalda üçüncü ukraynalı – Lenur Temirov üzərində də parlaq qələbə (9:0) qazanaraq çempion olub.

Avropa Oyunları və İslamiadanın qalibi Elvin Mürsəliyevin də yolu bürünc medal uğrunda görüşdə erməni idmançısı ilə kəsişib. 82 kq çəki dərəcəsində çıxış edən yunan-Roma güləşçimiz Eduard Sarqsyana qalib gəlib. 3:3 hesabı ilə başa çatan görüşdə sonuncu xalı Elvin əldə etdiyinə görə bürünc medal da ona verilib.

https://youtu.be/iPhlukLYLfo

97 kq çəki dərəcəsində çıxış edən yunan-Roma güləşçisi Orxan Nuriyevin ilk görüşü erməni idmançısı ilə olub. O, 1/8 finalda Vaqinak Minasyandan 5:3 hesabı ilə öndə olub. Orxan bürünc medal uğrunda görüşdə bu çəkidə mübarizə aparan digər azərbaycanlı Türmən Eyyubovun qisasını Belarusu təmsil edən Dağıstan ləzgisi Cavid Həmzətovdan çıxıb.

https://youtu.be/ofZUQW1twDI

87 kq çəki dərəcəsində mübarizə aparan daha bir yunan-Roma güləşçimiz İslam Abbasov yarımfinalda Maksim Manukyandan üstün olub – 9:6. Lakin o, finalda meydan sahibi olan ukraynalı Yan Belenyuka uduzaraq gümüş medalla kifayətlənib.

https://youtu.be/_CUu1yQYisI

Qeyd edək ki, yalnız Həsən Əliyev erməni idmançı qarşısında aciz qalıb. 77 kq çəki dərəcəsində mübarizə aparan yunan-Roma güləşçimiz bürünc medalı Karapet Çalyana 4:8 hesabı ilə uduzmaqla əldən verib.

Xatırladaq ki, Həsən Əliyevin Bakıda keçirilmiş Avropa Oyunlarının finalına gedən yolunu da erməni idmançı kəsmişdi. Üç il əvvəl 66 kq-da çıxış edən idmançımız Miqran Arutyunyanla görüşdə 3:0 öndə olsa da, yekunda 5:8 hesabı ilə uduzmuşdu. Buna görə Həsən Əliyev sosial şəbəkədə tənqid olunmuş, buna baxmayaraq, özünü toparlayaraq sonda bürünc medal qazanmışdı.  

Mənbə:Oxu.az

 

Saytda Axtarış

ახალი ამბები