Mərkəzi Bank sabaha olan rəsmi məzənnəni açıqladı.

Azərbaycan Mərkəzi Bankı (AMB) ABŞ dollarının manata qarşı fevralın 11-nə olan məzənnəsini açıqlayıb.

Bu barədə bankdan bildirilib.

Məlumata görə, fevralın 11-də USD/AZN rəsmi məzənnəsi 1,5659 səviyyəsində müəyyən olunub.

Qeyd edək ki, bu gün dolların rəsmi məzənnəsi 1,5702 manat təşkil edib.

Gürcüstanda yeraltı qaz anbarının tikintisi layihəsinə Azərbaycan da qoşulacaq

"Rusiyanın "Qazprom" şirkəti ilə danışıqlarımız davam edir və biz tezliklə bu şirkət ilə razılaşma memorandumunu imzalayacağıq".

"Dalğa TV" xəbər verir ki , bunu APA-nın Gürcüstan müxbirinə açıqlamasında bu ölkənin baş nazirinin birinci müavini, energetika naziri Kaxa Kaladze deyib. O, "Qazprom" ilə razılaşma memorandumunun imzalanma vaxtının hələ müəyyən olunmadığını, amma imzalanmanın tezliklə baş tutacağını bildirib.

K. Kaladze "Qazprom" şirkəti ilə Gürcüstan hakimiyyəti arasında heç bir problem olmadığını bildirib: "Bizim aramızda heç zaman problem olmayıb, amma müəyyən edilmiş memorandum var ki, biz hər il onu yeniləyir və imzalayırıq."

K. Kaladze əlavə edib ki, 2016-cı ildə Gürcüstanda yeraltı qaz anbarının tikintisi layihəsinə başlanılacaq. Onun sözlərinə görə, qaz anbarını Gürcüstan öz maliyyəsi hesabına tikir və Azərbaycan da bu layihəyə qoşulacaq: "Azərbaycan tərəfinin də bu layihədə iştirak etməkdə marağı var. Layihənin maliyyəsi ilə bağlı bəzi məqamlara tezliklə aydınlıq gətiriləcək", - deyə K. Kaladze vurğulayıb.

Gürcüstanın energetika naziri Bakıya işgüzar səfərindən razı qaldığını qeyd edib.

Ukrayna tərəfi Azərbaycan və Gürcüstanın dəmir yolları qurumlarının rəhbərlərinə rəsmi şəkildə müraciət edərək bu ölkədən olan məhsulların tranzit haqlarının aşağı salınmasını xahiş edib.

"Dalğa TV" "APA-Economics"ə isinadən xəbər verir ki, bu barədə Ukraynanın "Ukrzaliznıtsya" müəssisəsinin rəsmi nümayəndəsi İvan Xoryakov bildirib.

Onun sözlərinə görə, Ukrayna tərəfi Gürcüstan və Azərbaycandan olan həmkarlarına ünvanlanan müraciətdə tariflərin 50% azaldılmasını xahiş edib: "Biz ümid edirik ki, bizim xahişimizə müsbət cavab veriləcək. Bununla da biz daşımaların xərclərini dəfələrlə azaltmış olarıq".

Xatırladaq ki, yanvarın 14-də Bakıda keçirilmiş dördtərəfli görüşdə Azərbaycan, Qazaxıstan, Gürcüstan və Ukrayna nümayəndələri Transxəzər Beynəlxalq Nəqliyyat Marşrutunda vahid tariflərin müəyyənləşdirilməsi haqqında razılığa gəliblər. Müvafiq protokolu "Bakı Beynəlxalq Dəniz Ticarət Limanı" QSC-nin baş direktoru Taleh Ziyadov, "Azərbaycan Dəmir Yolları" QSC-nin sədri Cavid Qurbanov, Azərbaycan Xəzər Dəniz Gəmiçiliyi" QSC-nin sədri Rauf Vəliyev, "Qazaxıstan Dəmir Yolu" SC-nin prezidenti Askar Mamin, "Gürcüstan Dəmir Yolu" SC-nin rəisi Mamuka Baxtadze və "Ukrayna Dəmir Yolu" SC-nin İdarə heyətinin sədr əvəzi Aleksandr Zavqorodniy imzalayıblar.

Qeyd edək ki, bu ilin mart ayından etibarən Ukrayna-Gürcüstan-Azərbaycan-Qazaxıstan-Çin dəmir yolu marşrutunun kommersiya istismarına başlanacaq.

Tranzit təxminən 80 MVt gücündədir.

"Gürcüstan Dövlət Elektrik Sistemi" iki istiqamətdə - Azərbaycandan Türkiyəyə və Rusiyadan Ermənistana tranzit dəhlizi funksiyasını həyata keçirməyə başlayıb.

Oxu.Az bu barədə "Qruziya Online" saytına istinadən xəbər verir.

"Fevralın 5-dən isə Rusiyadan Ermənistana elektrik enerjisinin tranzitinə başlanılıb. Rusiyadan Ermənistana orta hesabla 30 MVt miqdarında elektrik enerjisi tranzit ediləcək. Fevralın 7-dən etibarən isə Azərbaycandan Türkiyəyə təqribən 80 MVt miqdarında elektrik enerjisinin tranzitinə başlanılacaq.

Nəticədə Gürcüstan elektrik enerjisinin tranzitindən ayda 1 mln. lari gəlir əldə edəcək", - "Gürcüstan Dövlət Elektrik Sistemi"ndə bəyan ediblər.

"Bununla əlaqədar siyasi fərziyyələrin davamı əsassızdır".

Gürcüstanda Rusiyanın "Qazprom" şirkəti ilə danışıqlar ətrafında siyasi fərziyyələrə son verilməlidir.

"Dalğa TV" "Sputnik-Georgia"ya istinadən xəbər verir ki, bu barədə baş nazir Georgi Kvirikaşvili bildirib.

"Bu məsələ bitdi, çünki söhbət hər hansı strateji danışıqlardan getmir. Söhbət bir sıra texniki xarakterli problemlərin həllindən gedirdi, ona görə də siyasi fərziyyələri davam etdirməyin tamamən əsassız olduğunu düşünürəm", - Q.Kvirikaşvili "Rustavi 2" teleşirkətinin efirində bildirib.

Gürcüstana əsas qaz tədarükçüsü Azərbaycandır. Hazırda Gürcüstana Rusiya qazının tədarükü yalnız Ermənistana qaz tranzitinin 10%-i kimi həyata keçirilir.

Dünyanın ən müstəqil neft treyderinin icraçı direktoru proqnoz verib.

Dünyanın ən böyük enerji treyderi olan "Vitol Group BV"nin icraçı direktoru neftin gələcək qiymətləri barədə "Bloomberg News" ilə müsahibəsində neftin qiymətinin 5-10 il arasında 40-60 dollar arasında dalğalanacağı proqnozunu verib.

"Dalğa TV" bu barədə "Bloomberg"ə istinadən xəbər verir.

Dünyanın ən müstəqil neft trayderinə görə, neftin qiymətləri Çin iqtisadi inkişafın yavaşlaması ilə birlikdə on il ərzində aşağı olaraq qalacaq.

"Ani bir qiymət artımı mümkün görünmür", - deyən "Vitol Group BV" icraçı direktoru İan Teylor, müsahibəsində qarşıdakı on il ərzində neftin orta qiymətinin 50 dollar ola biləcəyi proqnozunu verib.

Teylor, "Təxmin etdiyimiz qiymət 40-60 dollar arasındadır. Qiymətlərin 5-10 il içərisində 40-60 dollar arasında dəyişəcəyini düşünürəm", - deyib.

İntervalın alt sərhədi, hazırda 35 dollar ətrafında satılan Brent neftin qiymətində çox az artım olacağı mənasına gəlir, üst sərhəd isə neft qiymətlərini iyul 2015-ci il səviyyələrinə qayıtması deməkdir.