Koronavirusun yayıldığı ölkələrin sayı artdı
Ümumdünya Səhiyyə Təşkilatının gündəlik hesabatına görə, Çindən kənarda yeni koronavirusa yoluxma halları 64 ölkədə qeydə alınıb.
Təşkilatın məlumatında bildirilir ki, son gün ərzində Çindən kənarda virusa 1 598 yoluxma hadisəsi təsdiqlənib. Beləcə, koronavirusa yoluxanların sayı 8 774 nəfərə çatıb.
Ümumilikdə Çindən kənarda koronavirusa yoluxma halları 64 ölkədə qeydə alınıb. Ölənlərin ümumi sayı 128 nəfərdir. Məlumata görə, son gün ərzində COVID-19-dan 24 nəfər ölüb.
