Tbilisidə aksiyaya qoşulan Finlandiya XİN rəhbəri cərimələnib

ATƏT sədrinin Rustaveli prospektində qanunsuz yol bağlamasına görə cərimə edildiyi açıqlanıb.

Bu barədə məlumatı Gürcüstan Daxili İşlər Nazirliyi təsdiqləyib.

Bildirilib ki, ATƏT-in fəaliyyətdə olan sədri və Finlandiyanın xarici işlər naziri Elina Valtonen Rustaveli prospektində yolu qanunsuz bağladığı üçün 5 min lari cərimə olunub.

Bundan əlavə, Gürcüstan Xarici İşlər Nazirliyi Finlandiyanın Xarici İşlər Naziri və ATƏT-in fəaliyyətdə olan sədrinin səfərindən narahatlığını bildirib və ATƏT Katibliyinə və iştirakçı dövlətlərə etiraz notası ünvanlayıb.