Trampın qərarı Gürcüstan bazarı üçün təhlükə yaradır – Maşınların qiyməti bahalaşacaq!
ABŞ-ın yeni avtomobillərə 25%-lik rüsum tətbiq etməsi Gürcüstanda idxal olunan avtomobillərin qiymətinin artmasına səbəb olacaq. Avtomobil idxalçısı bildirib ki, əgər hərraclarda qiymətlər süni şəkildə artırılmasa, bu təsir birbaşa hiss olunmayacaq və qiymət artımı 1-2 il ərzində başlayacaq. O, qeyd edib ki, yeni tarif yalnız yeni avtomobillərə aiddir və ABŞ-da avtomobil əvvəlcə yüksək qiymətə satıldıqdan sonra istifadəçiyə çatdırılır, sonra isə hərraca çıxarılır. Nəticədə, idxal olunan avtomobillərin qiyməti artıq bahalaşmış şəkildə alınır. ABŞ avtomobil ticarətində Gürcüstanın əsas tərəfdaşıdır; məsələn, 2025-ci ilin ilk aylarında Gürcüstana 15 min ədəd yüngül avtomobil idxal edilib. ABŞ Prezidenti isə, bu yeni tariflərin avtomobil sənayesində “böyük artıma” səbəb olacağını və ölkədə iş yerləri ilə investisiyaların artmasını dəstəkləyəcəyini bildirib.
