ამ ეტაპზე რუსეთთან დიპლომატიური ურთიერთობების აღდგენის საკითხი არ არის აქტუალური.
ამის შესახებ გუშინ გორში საქართველოს პრემიერ-მინისტრმა ბიძინა ივანიშვილმა განაცხადა.
"რუსეთთან დიპლომატიური ურთიერთობების აღდგენის საკითხი მხოლოდ ორ ქვეყანას შორის ურთიერთობების აღდგენის პროცესში და საქართველოს მშვიდი გზით გაერთიანებაში მნიშვნელოვანი წინსვლის შემთხვევაში შეიძლება გახდეს აქტუალური", - განაცხადა პრემიერ მინისტრმა.
"საქართველო რუსეთთან ურთიერთობების ნორმალიზების გზების ძებნას გააგრძელებს. წინა წლის ბოლოს ჩვენ რუსეთთან პირდაპირ დიალოგზე გადავედით და რამდენიმე კონკრეტული პრაგმატული საკითხების მოგვარება დავისახეთ მიზნად", - აღნიშნა მან. მისი თქმით, "ორ ერის შორის მეგობრული ურთიერთობები საქართველო-რუსეთის ურთიერთობების ნორმალიზების პროცესს პოზიტიურად გაგრძელების იმედს იძლევა".
ივანიშვილმა განაცხადა, რომ საქართველოს საერთაშორისო პარტნიორები თბილისის მოსკოვთან პირდაპირი დიალოგის დაწყების მიმართულებაში ნაბიჯებს დადებითად შეხვდნენ. "ჩვენ აშშ-ის, ევროკავშირის და საერთაშორისო ორგანიზაციების საქართველო-რუსეთის ურთიერთობების ნორმალიზების პროცესზე მხარდაჭერის იმედი გვაქვს", - აღნიშნა პრემიერ-მინისტრმა.

8 აგვისტოს კიდევ ერთმა პრეზიდენტობის კანდიდატმა ცესკოს საარჩევნო საბუთები წარუდგინა.
ცესკოს პრესსამსახურის თავმჯდომარეს აზერ სარიევის ინფორმაციით, დღეს იმედის პარტიიის თავმჯდომარემ, დეპუტატმა იგბალ აღაზადემ ცესკოს საარჩევნო საბუთები წარუდგინა.
აღსანიშნავია, რომ აქამდე 5-მა პრეზიდენტობის კანდიდატმა ცესკოს საარჩევნო საბუთები წარუდგინა. ესენი არიან: ახალი აზერბაიჯანის პარტიის (ააპ) თავმჯდომარე, აზერბაიჯანის პრეზიდენტი ილჰამ ალიევი, თავისუფალი პარტიის თავმჯდომარე ახმედ ორუჯი, მოქალაქეობისა და განვითარების პარტიის თავმჯდომარე ალი ალიევი, აზერბაიჯანის ლიბერალური დემოკრატიული პარტიის თავმჯდომარე ფუად ალიევი და საკუთარი ინიციატივით კანდიდატურის წამომყენებელი იურისტი ილგარ მამედოვია.
შეგახსენებთ, რომ აზერბაიჯანის რესპუბლიკის პრეზიდენტობის კანდიდატების წამოყენების პროცესს სტარტი მიეცა.
საარჩევნო კოდექსის მიხედვით, პრეზიდენტობის კანდიდატების წამოყენება აქტიური (პასიური) საარჩევნო უფლებების მქონე მოქალაქეებს, ამომრჩევლების საინიციატივო ჯგუფებს, პოლიტიკურ პარტიებს, პოლიტიკური პარტიების ბლოკებს შეუძლიათ.
ცესკომ საპრეზიდენტო არჩევნების 9 ოქტომბერს ჩატარების გადაწყვეტილება მიიღო.
ბოლო საპრეზიდენტო არჩევნები 2008 წლის 15 ოქტომბერს ჩატარდა. აზერბაიჯანში საპრეზიდენტო არჩევნები ხუთ წელიწადში ერთხელ ტარდება.

ეუთოს საპარლამენტო ასამბლეის (სა) პრეზიდენტმა რანკო კრივოკაპიჩმა განაცხადა, რომ აზერბაიჯანში 9 ოქტომბრის საპრეზიდენტო არჩევნებზე დამკვირვებელთა მისიას არ გაგზავნის.
ეს გადაწყვეტილება იმიტომ იქნა მიღებული, რომ არჩევნების და ასამბლეის 13-15 ოქტომბერს მონტენეგროში ჩატარებულ საშემოდგომო სესიის დრო ერთმანეთს ემთხვევა.
კრივოკაპიჩმა აღნიშნა, რომ ეუთოს სა უკვე წლებია საპარლამენტო არჩევნების მონიტორინგს ატარებს და მხოლოდ განსაკუთრებულ შემთხვევებში ატარებს საპრეზიდენტო არჩევნების მონიტორინგს. ამასთანავე, ორგანო საშემოდგომო სესიიდან ორი კვირის შემდეგ - 27 ოქტომბერს საქართველოს საპრეზიდენტო არჩევნებზე გაგზავნის დამკვირვებლებს.
აღსანიშნავია, რომ ეუთოს სა-ს ხელმძღვანელი სექტემბერში რამდენიმე ქვეყნებში, მათ შორის საქართველოში ვიზიტს გეგმავს. აზერბაიჯანში ვიზიტი არ იგეგმება.

მას აზერბაიჯანის პრეზიდენტობა უნდა
აზერბაიჯანის სომხების ასამბლეის თავმჯდომარეს გრიგორი აივაზიანს აზერბაიჯანში საპრეზიდენტო არჩევნებზე მონაწილეობა სურს. ამიტომაც ის ეროვნული საბჭოს ერთადერთ კანდიდატთან რუსტამ იბრაჰიმბეიოვთან თანამშრომლობას არ გამორიცხავს.
სომხეთში მცხოვრებ აივაზიანს აზერბაიჯანის მოქალაქეობაც და ბაქოს ლტოლვილის სტატუსიც აქვს. აივაზიანი აცხადებს, რომ მან საბუთები უკვე აზერბაიჯანის საგარეო და შინაგან საქმეთა სამინისტროებს გაუგზავნა. ის აღნიშნავს, რომ მას პასუხი ჯერ არ მიუღია.
"არ გამოვრიცხავ, რომ მოსკოვში იბრაჰიმბეიოვს შევხვდები და მასთან ვითანამშრომლებ. ვფიქრომ, ჩვენს შორის უთანხმოების ძირითადი მიზეზი მხოლოდ ყარაბაღის საკითხთან დაკავშირებით შეიძლება იყოს", - განაცხადა აივაზიანმა.
გარდა ამისა, მან განაცხადა, რომ თუ აზერბაიჯანიდან განცხადებაზე პასუხს ვერ მიიღებს, იგი ნებისმიერი გზით ჩამოვა ბაქოში და პრობლემას ადგილზე მოაგვარებს.