"ვლადიმერ პუტინის აზერბაიჯანში ვიზიტი ორ ქვეყანას შორის ურთიერთობებს დამატებით იმპულსს მისცემს".
ეს აზრები აზერბაიჯანის პრეზიდენტმა ილჰამ ალიევმა რუსეთის პრეზიდენტთან შეხვედრაზე გამოთქვა.
"ჩვენი ურთიერთობები ძალიან დინამიკურად, პოზიტიურად და წარმატებულად ვითარდება. ეს ურთიერთობები ბევრ სფეროს მოიცავს და დღეს ორმხრივი ურთიერთობების, აგრეთვე რეგიონული საკითხების განხილვის შესაძლებლობები გვექნება. ეკონომიკურ სფეროში მოსალოდნელზე უკეთესი შედეგებია, ჰუმანიტარულში ტრადიციული შედეგები და პერსპექტივები გვაქვს. სხვა სიტყვებით, ურთიერთობები წარმატებით ვითარდება, თქვენი ვიზიტი ურთიერთობების განვითარებაში განსაკუთრებულ ადგილს დაიკავებს. დარწმუნებული ვარ, რომ ამ ვიზიტის შემდეგ ურთიერთობების განვითარებაში პოზიტიური დინამიკა გაგრძელდება".
ვლადიმერ პუტინი, თავის მხრივ, ჰუმანიტარული სფეროს განვითარების ინიციატივას შეეხო: "ვიცი, რომ აქ თქვენი პირადი ინიციატივაც არის. ჩვენ დღეს ამ ინიციატივებს განვიხილავთ. დარწმუნებული ვარ, რომ ჩვენი დღევანდელი შეხვედრა ურთიერთობების განვითარებას დაეხმარება. ჩემთან ერთად დიდი გუნდი, თანამშრომლობის მთავარი სფეროების მინისტრები ჩამოვიდნენ. ამიტომაც ჩვენი საქმე შინაარსიანი, დიდი, საინტერესო და ძალიან სარგებლიანი იქნება".

13 აგვისტოს მუსავატის პარტიის პრეზიდენტობის კანდიდატის ისა გამბარის საარჩევნო შტაბის შეკრება გაიმართა.
საარჩევნო შტაბის წევრი გულაღა ასლანლის ინფორმაციით, შეხვედრაზე პირველ რიგში რაიონებში ხელმოწერების შემგროვებელ პირებთან გასულ კვირას ჩატარებული სხდომის შესახებ, გაბალას, ოღუზის, შექის, ზაგათალას, ბალაქენისა და განჯას ორგანიზაციების წევრებთან ტრენინგების შესახებ განაცხადდა. აგრეთვე გასაკეთებელი ზოგიერთი სამუშაოს კიდევ ერთხელ დაგეგმვა, საარჩევნო პუნქტებზე საკონსულტაციო ხმის უფლების კომისიის წევრების სიების, ასევე დამკვირვებლების დაზუსტების მიმართულებით დავალებები გაიცა.
ასლანლიმ განაცხადა, რომ საარჩევნო შტაბის მიერ განსაზღვრული ხელმოწერების შემგროვებელი პირები მხოლოდ ისა გამბარისთვის ხელმოწერების შესაგროვებლად არ შეკრებილან. ისინი ეროვნული საბჭოს ერთადერთი კანდიდატის არჩევნებში მონაწილეობის მიღების შემთხვევაში მისთვისაც შეაგროვებენ ხელმოწერებს: "ხელმოწერების შემგროვებლები ორივე სიტუაციისთვის მზად იქნებიან. ანუ თუ ეროვნული საბჭოს ერთადერთი კანდიდატი იქნება, მისთვის იქნება, თუ ისა გამბარის კანდიდატურა იქნება, მისთვის შეაგროვებენ".

იმედის პარტიის უზენაესი ასამბლეის თავმჯდომარემ ენვერ აღაზადემ რუსეთის პრეზიდენტის ვლადიმერ პუტინის აზერბაიჯანში ვიზიტს გამოეხმაურა.
მან აღნიშნა, რომ ეს ვიზიტი მეგობრულზე მეტად ქვეყნისთვის შეტყობინებაა:
"ნათლად ჩანს, რომ რუსეთის და აზერბაიჯანის ურთიერთობები ცივია. რუსეთის მიერ ერთმანეთის თანმიმდევრობით გადადგმული ნაბიჯები - გაბალას სარადარო სადგურის რეკონსტრუქციაზე უარის თქმა, ნოვოროსისკის ნავთობსადენიდან აზერბაიჯანის ნავთობის ექსპორტის შეჩერება, აზერბაიჯანისთვის იარაღის გაყიდვაზე უარის თქვა, მილიარდერთა კავშირის შექმნა და ამ ორგანიზაციის აზერბაიჯანთან დაკავშირებით საქმიანობა ოფიციალურ ბაქოზე ზეწოლების პირველი მაჩვენებლები იყო. რუსეთს ჩვენი ქვეყნისგან კონკრეტული რაღაცები უნდა - აზერბაიჯანის ევრაზიის კავშირში და საბაჟო კავშირში ჩართვა. ოფიციალური მოსკოვი ამ სურვილების მისაღწევად ჩვენს ქვეყანაზე ზეწოლებს უფრო მეტად გაზრდის. რუსეთის პრეზიდენტის ვლადიმერ პუტინის აზერბაიჯანში სამხედრო გემების თანხლებით ვიზიტი სინამდვილეში მეგობრულ ვიზიტზე მეტად ოფიციალური ბაქოსთვის შეტყობინებაა.
ძალის ჩვენებით ღია ზეწოლაა. აზერბაიჯანის ნატოსა და ევროპაში ინტეგრაციისგან დაშორებაა. მეგობრული ვიზიტი მძიმე არტილერიით, სარაკეტო სამხედრო გემების თანხლებით არ ხორციელდება. ამ მიმართულებით რუსეთი წინასაარჩევნო მდგომარეობითაც სარგებლობს".

მოქალაქეთა და განვითარების პარტიის (მგპ) თავმჯდომარემ, პრეზიდენტობის კანდიდატმა ალი ალიევმა რუსეთის პრეზიდენტის ვლადიმერ პუტინის ბაქოში სამხედრო საზღვაო ძალების თანხლებით ჩამოსვლას პროტესტი განუცხადა. განცხადებაში აღინიშნება, რომ ვლადიმერ პუტინის აზერბაიჯანში საზღვაო სამხედრო ძალების თანხლებით ჩამოსვლა კრემლის იმპერიის ამბიციების მორიგი გამოვლინებად შეიძლება ჩაითვალოს:
"პუტინის ოფიციალურად სამუშაო ხასიათის ვიზიტს სამხედრო გემებით განხორციელების სხვანაირად ახსნა შეუძლებელია. როდის იყო, რომ ერთი ქვეყნის ლიდერი მეორე ქვეყანას ამ ფორმით სამუშაო ვიზიტით ეწვიოს? რუსეთის ხელისუფლების პოსტსაბჭოთა ქვეყნების დამოუკიდებლობის დამოკიდებულება და ევრაზიის კავშირის სახელით სსრკ-ის ნებისმიერ ფასად აღდგენა, და აზერბაიჯანის ჩათრევის სურვილით პუტინის ბაქოში სამხედრო გემით ჩამოსვლაში თავს ღია ფორმით ასახავს".
ალი ალიევმა ვლადიმირ პუტინის აზერბაიჯანში სამხედრო ძალებით ჩამოსვლას ამავდროულად აზერბაიჯანის ხელისუფლების მისთვის ასეთი პირობების შექმნის მიმართ პროტესტი გამოთქვა: "აზერბაიჯანის ხელისუფლებას ქვეყნის სახელმწიფო დამოუკიდებლობის თვალსაზრისით ძალზედ მგრძნობიარე სიტუაციებში ყურადღებით ყოფნისკენ მოვუწოდებ და რომ ასეთი შემთხვევები აღარ განმეორდეს".