აზიის პრესტიჟულმა ჟურნალმა "BizNewsAsia" აზერბაიჯანის პრეზიდენტი ილჰამ ალიევი "წლის ადამიანად" გამოაცხადა.
ფილიპინებში გამოცემული ჟურნალი აზიის კონტინენტის განვითარებული ქვეყნებს, პრეზიდენტებს, განხორციელებულ წარმატებულ რეფორმებს ასახავს.
ამასთან დაკავშირებით, ჟურნალში "წლის ადამიანის" სათაურით ვრცელი სტატია დაიბეჭდა. სტატიაში აზერბაიჯანის პრეზიდენტის ილჰამ ალიევისა და მისი ხელმძღვანელობით განხორციელებული პოლიტიკის შესახებ ვრცელი ინფორმაციაა დაბეჭდილი. სტატიაში ქვეყნის მეთაურის ილჰამ ალიევის პირველად მთავრობაში მოსვლის 2003 წელს და თანამედროვე პერიოდს ერთმანეთს ადარებენ და ამ წლების განმავლობაში მიღწეულ წარმატებებზე საუბრობენ.
სტატიის ავტორი ნეპალის ყოფილი პრემიერ-მინისტრი მადჰავ ქუმარია. ჟურნალში დაბეჭდილი სტატია "ალიევის ერა: აზერბაიჯანის ოქროს ხანა" კი ბოლო 9 წელიწადში ქვეყანაში ჩატარებულ რეფორმებზე, განხორციელებულ მრავალფეროვან ეკონომიკურ, სოციალურ პოლიტიკაზე, ნავთობსტრატეგიაზე და ერთ სულ მოსახლეზე მშპ-ზე, საბიუჯეტო შემოსავლების რეგულირებაზე და სწორად გამოყენების შესახებ ვრცელ ინფორმაციას გვაძლევს.
სტატიაში ხაზგასმულია, რომ აზერბაიჯანმა მსოფლიოში სათანადო ადგილი სწორედ ილჰამ ალიევის პრეზიდენტობის პერიოდში დაიკავა.

აზერბაიჯანის პრეზიდენტი 29 აგვისტოს საბირაბადის რაიონს ეწვია.
პრეზიდენტმა ჯერ ჰეიდარ ალიევის ქალაქ საბირაბადში ძეგლს ყვავილის თაიგულით შეამკო.
საბირაბადის რაიონის მუნიციპალიტეტის თავმჯდომარემ ნაზიმ ისმაილოვმა პრეზიდენტს მოედანზე ჩატარებულ სამუშაოებზე ესაუბრა.
ცნობილია, რომ მთლიანად რეკონსტრუქტირებული მოედნის ტერიტორია 8.5 ათასი კვ. მეტრია. იქ ოთხი შადრევანია დამონტაჟებული, შექმნილია თანამედროვე განათების სისტემა. მოედნის ტერიტორიაზე ააპ საბირაბადის რაიონის ორგანიზებისთვის ადმინისტრაციული შენობა აშენდა, რაიონის მუნიციპალიტეტის, კულტურის სახლის და სხვა სახელმწიფო დეპარტამენტების შენობების ფასადები განახლებულია.

სომხეთისა და რუსეთის პრეზიდენტების მორიგი შეხვედრა იგეგმება.
სერჟ სარკისიანი სომხური ეკლესიის გახსნაში დასასწრებად სექტემბრის დასაწყისში მოსკოვში გაემგზავრება. ისიც აღინიშნება, რომ მას რუსეთის პრეზიდენტ ვლადიმერ პუტინთან შეხვედრა სურს. თუმცა იმასაც აცხადებენ, რომ სომხეთსა და რუსეთს შორის ცივი ურთიერთობების არსებობის გამო პუტინი სარკისიანთან შეხვედრის მიმართ ინტერესს არ აჩენს. კრემლმა "სომეხ შევარდნაძედ" წოდებულ სარკისიანს ყველა კარი დაუხურა.

საქართველოს პრეზიდენტმა მიხეილ სააკაშვილმა რელიგიურ დღესასწაულთან დაკავშირებით 238 პატიმარი შეიწყალა.
პენიტენციალური სამსახურის და იურიდიული დახმარების მინისტრის მოადგილემ გიგა გიორგაძემ განაცხადა, რომ ყველა შეწყალებული ციხეს 28 აგვისტოს დატოვებს.
შეწყალებულთა შორის ორი მოზარდიცაა. ერთ-ერთი მათგანის პატიმრობის ვადა ორჯერ შემცირდა.
მინისტრის მოადგილემ განაცხადა, რომ 6 პატიმარი ქალიც გაათავისუფლეს. 7 ქალს კი პატიმრობის ვადა ორჯერ შეუმცირდა.

რუსეთიდან მთიან ყარაბაღში ჩასული ჟურნალისტების და საზოგადო მოღვაწეების ვინაობა გახდა ცნობილი.
ესენია რუსეთის REN TV-ს გადაცემა "ტაინი მირას" წამყვანი, ყოფილი მზვერავი ანა ჩაფმანი, საზოგადოებრივი პალატის წევრი, ჟურნალისტი დენის დვორნიკოვი, უფლებათა დამცველი სერგეი კარნაუხოვი, ჟურნალის "რუსკი რეპორტიორი" და საინფორმაციო სააგენტო "DairyNews"-ის კორესპონდენტი ალექსანდრა რიჟკოვა, რუსეთის პატარა და საშუალო საწარმოების საზოგადო ორგანიზაციის "ოპორა როსიი" თავმჯდომარე პაველ სიგალი და ორგანიზაციის წარმომადგენელი ირინა ტოლმაჩოვაა.
აზერბაიჯანის ნებართვის გარეშე მთიან ყარაბაღში ვიზიტით მყოფმა ამ ადამიანებმა ე.წ. "მყრ"-ის ხელმძღვანელობას შეხვდნენ.
საზოგადოებრივი პალატის წევრმა, ჟურნალისტმა დენის დვორნიკოვმა და "ოპორა როსიის" წარმომადგენელმა ირინა ტოლმაჩოვამ ქალბაჯარში და ხანქენდში გადაღებული ფოტოები სოციალურ ქსელ ფეისბუქზე გააზიარეს.
შეგახსენებთ, რომ რუსი ჟურნალისტების და საზოგადო მოღვაწეების ეს ვიზიტი მოსკოვის ორგანიზაციამ "სომხეთ-რუსეთის თანამშრომლობა" განახორციელა. 30 აგვისტომდე სომხეთში ვიზიტით მყოფი დელეგაციის წევრებმა აზერბაიჯანის ოკუპირებულ მთიანი ყარაბაღის რეგიონსაც ეწვივნენ.

აშშ-ის თავდაცვის მინისტრმა ჩაკ ჰაგელმა განაცხადა, რომ შეერთებული შტატების არმია სირიაში შესვლისთვის სრულ მზადყოფნაშია.
მინისტრმა აღნიშნა, რომ აშშ-ის არმია სამხედრო ინტერვენციისთვის მზადაა. ჰაგელის თქმით, აშშ-ის პრეზიდენტმა ბარაკ ობამამ თავდაცვის სამინისტროს ყველა შესაძლებლობის გათვალისწინებით სამხედრო ინტერვენციისთვის სრული მზადყოფნის ბრძანება გასცა.
მინისტრმა განაცხადა, რომ არმია ყველა ვარიანტისთვის მზადაა და ობამა რომელ ვარიანტსაც აირჩევს, აშშ-ის არმია იმ ვარიანტს შეასრულებს.
ამასთანავე, აშშ-ის თავდაცვის მინისტრმა აღნიშნა, რომ სირიაში ასადის რეჟიმის ოპოზიციის წინააღმდეგ ქიმიური იარაღის გამოყენების შესახებ ხელთ არანაირი მტკიცებულება არ აქვთ.
აღსანიშნავია, რომ გუშინ გავრცელებული ინფორმაციის თანახმად, აშშ მაქსიმუმ 4 დღეში სირიაში სამხედრო ინტერვენციას ჩაატარებს და ასადთან დაკავშირებული არმიის ნაწილები კონკრეტულ სამიზნეს თავს დაესხმევიან. აცხადებენ, რომ ეს 3-დღიანი სამხედრო ჩარევა არ გაგრძელდება და ინტერვენციის მიზანი ბაშარ ასადის ოპოზიციის წინააღმდეგ ძალადობის შეჩერებაა.