"პრეზიდენტმა გამოსვლით მსოფლიოს კიდევ ერთხელ დაანახა, თუ რა მასშტაბის ფიგურაა".
ამის შესახებ საქართველოს ყოფილმა საგარეო საქმეთა მინისტრმა გრიგოლ ვაშაძემ მიხეილ სააკაშვილის გაეროს გენერალური ასამბლეის 68-ე სხდომაზე გამოსვლის კომენტირებისას განაცხადა.
"10-11 წელია, რაც მე, როგორც დიპლომატი და როგორც მოქალაქე პრეზიდენტის გამოსვლებს ვუსმენ. ეს გამოსვლა ფორმითა და შინაარსით საუკეთესო გამოსვლაა. პრეზიდენტმა გამოსვლის მსვლელობისას არა მხოლოდ საქართველოს საზოგადოებას, აგრეთვე მსოფლიოს დანარჩენ ნაწილს კიდევ ერთხელ დაანახა თუ რა მასშტაბის სახელმწიფო ფიგურაა", - განაცხადა ვაშაძემ.
მისი თქმით, პრეზიდენტმა გამოსვლაში ის სიმართლე თქვა, რომელიც საერთაშორისო თანამეგობრობამ ძალიან კარგად იცოდა, თუმცა პოლიტიკური კორექტირების გამო ამაზე საუბარს ვერ ბედავდა.
"პრეზიდენტმა რუსეთისა და რუსეთის პროექტების მიერ შექმნილ საფრთხეზე საერთაშორისო საზოგადოების ყურადღება გაამახვილა და განაცხადა, რომ თუ ვინმეს ჰგონია, რომ ბატონ პუტინს განწყობა ან ჩვევები შეიცვლება, ძალიან ცდება. პუტინი მსოფლიოს დანარჩენ ნაწილს თუ რამეს ჰპირდება რაღაცას აკეთებს, ან და ძალიან ცდილობს, რამე გააკეთოს. ამიტომაც ევრაზიული კავშირი დღეს საქართველოს, განსაკუთრებით კი მთელ პოსტსაბჭოთა სივრცეს დიდ საფრთხეს უქმნის", - განაცხადა საქართველოს ყოფილმა საგარეო საქმეთა მინისტრმა.

26 სექტემბერს საზოგადოებრივი ტელევიზიის პირდაპირ ეთერში პრეზიდენტობის კანდიდატების მეხუთე დებატები გაიმართა.
თავისი ინიციატივით კანდიდატურის წამომყენებელმა ზაჰიდ ორუჯმა განაცხადა, რომ "ჯამილ ჰასანლი მოტყუებული ვარსკვლავია".
ააპ-ის კანდიდატის - ილჰამ ალიევის სრულუფლებიანმა წარმომადგენელმა ალი ახმედოვმა კი განაცხადა, რომ აზერბაიჯანი ეკონომიკურ სფეროში სწრაფად ვითარდება.
"1 მილიონ 200 ათასი ახალი სამუშაო ადგილი გაიხსნა. საშუალო ხელფასი 400 მანათზე მეტია. პენსიები კი 180 მანათია".
იმედის პარტიის კანდიდატმა იგბალ აღაზადემ კი ჯანდაცვის პრობლემებზე ისაუბრა: "რიგითი მოქალაქეები სამკურნალოდ ირანში, თურქეთში მიდიან".
ეროვნული საბჭოს კანდიდატმა ჯამილ ჰასანლიმ ამომრჩევლებს 28 სექტემბერს შეხვედრაზე მიიწვია.

NDI დაინტერესდა, პოლიტიკიდან წასვლის შესახებ პრემიერ-მინისტრ ბიძინა ივანიშვილის მიერ გაკეთებული განცხადება საპრეზიდენტო არჩევნებზე გავლენას რამდენად მოახდენს.

NDI - ს დაკვეთით ჩატარებულ სოციოლოგიური კვლევაში გამოკითხულთა 62% პასუხობს, რომ პრემიერის განცხადება საპრეზიდენტო არჩევნებზე მის არჩევანზე გავლენას არ მოახდენს. 17%-მა აღნიშნა, რომ ამ განცხადების შემდეგ უფრო ნაკლებად მოსალოდნელია, ”ქართული ოცნების” პრეზიდენტობის კანდიდატი აირჩიოს.

8% კი პასუხობს, რომ ივანიშვილის განცხადების შემდეგ უფრო მეტად მოსალოდნელია, ხმა ”ქართული ოცნების” პრეზიდენტობის კანდიდატს მისცეს.

11% პასუხობს - არ ვიცი. 2% პასუხის გაცემაზე უარს ამბობს.