აზერბაიჯანის დედაქალაქში ჩატარებულ საერთაშორისო ტელეკომუნიკაციის და საინფორმაციო ტექნოლოგიების XIX გამოფენა "BakuTel-2013" უკვე რამდენიმე დღეა, მსოფლიოს წამყვანი მედიასაშუალებების ყურადღების ცენტრშია.

აშშ-ის ერთ-ერთ ყველაზე დიდ ქალაქში ნიუ-იორკში კომპანია "Metro-North"-ის სამგზავრო მატარებელი რელსებიდან გადავიდა.
შედეგად 3 ადამიანი დაიღუპა, ათობით მგზავრი კი დაშავდა.

გემი-ქალაქის "Freedomship" აშენება იგეგმება, რომელსაც 50 ათასი მგზავრისთვის იქნება განკუთვნილი.
დიდი ზომის გამო გემი-ქალაქი ვერცერთ პორტში ვერ დაეტევა, ამიტომ იგი მსოფლიოს გარშემო იმოგზაურებს, ყოველ ორ წელიწადში ერთხელ. 25-სართულიანი გემის მშენებლობისთვის ჯერ 1 მილიარდი, მშენებლობის დასრულებისთვის კი 10 მილიარდი დოლარია საჭირო. ფრიდომშიპში კაზინო და სამხატვრო გალერეებიც იქნება.

ბიძინა ივანიშვილს ბიზნესცენტრის ეზოში განთავსებულ აკვარიუმში მცოხვრები ზვიგენი მოუკვდა. ამის შესახებ უფლებადამცველმა ნიკოლოზ მჟავანაძემ news.ge-ს განუცხადა.

მჟავანაძე არ აკონკრეტებს თუ ვინ მიაწოდა აღნიშნულის შესახებ ინფორმაცია, თუმცა განმარტავს, რომ ეს ძალიან სანდო ადამიანმა განუცხადა.

"ზვიგენი ბიძინა ივანიშვილს ნოემბრის დასაწყისში მოუკვდა. ამის მიზეზი კი უხარისხო წყალი გახდა. არსებობს გონივრული ეჭვი, რომ ის მილები, რითაც „თბილწყალი“ ქსელს უზრუნველყოფს, გარკვეულწილად არ შეესაბამება სტანდარტებს და ამას სჭირდება ექსპერტიზა," - ამბობს მჟავანაძე news.ge-სთან საუბრისას.

მჟავანაძე ასევე აცხადებს, რომ ბიძინა ივანიშვილი ამ ფაქტის გამო ძალიან აღშფოთებულია და მან სპეციალისტებს წყლის გამოკვლევაც დაავალა.

შეგახსენებთ, რომ ივანიშვილის ბიზნესცენტრში ზვიგენები ოქტომბერში მიიყვანეს და უზარმაზარ აკვარიუმში მოათავსეს. ოკეანის ბინადრებს ბუნებრივთან მაქსიმალურად მიახლოებული გარემო შეუქმნეს. აკვარიუმისთვის კი 25 ტონა მარილი დაიხარჯა.