"თურქულენოვანი ქვეყნების თანამშრომლობის საბჭოს წევრ-ქვეყნებმა ისე უნდა ქნან, რომ ჩვენს საცხოვრებელ ქვეყანაში მშვიდობა მუდამ იყოს უზრუნველყოფილი. სამწუხაროდ, აზერბაიჯანი უკვე დიდი ხანია, რაც სომხეთის ოკუპაციის ქვეშაა, აზერბაიჯანის მიწების 20 პროცენტი ოკუპირებულია, საერთაშორისო ერთიანობის მიერ აღიარებული ჩვენი ტერიტორიული მთლიანობა დარღვეულია".
ეს აზერბაიჯანის პრეზიდენტმა ილჰამ ალიევმა გაბალაში ჩატარებული თურქულენოვანი ქვეყნების თანამშრომლობის საბჭოს III უზენაეს სამიტზე გამოსვლისას განაცხადა.
ქვეყნის პრეზიდენტმა აღნიშნა, რომ აზერბაიჯანელების წინააღმდეგ ეთნიკური წმენდის პოლიტიკა ჩატარდა და ყველა საერთაშორისო სამართლის ნორმა უხეშად დაირღვა: "სომხეთ-აზერბაიჯანის მთიანი ყარაბაღის კონფლიქტის დროულად სამართლიანად, საერთაშორისო სამართლის ნორმების თანახმად მოგვარება ამ უსამართლობას ბოლოს მოუღებს და ამავდროულად, რეგიონულ უსაფრთხოებას ხელს შეუწყობს".
პრეზიდენტის თქმით, ამ კონფლიქტმა საერთაშორისო სამართლიანი ნორმების და აზერბაიჯანის ტერიტორიული მთლიანობის ფარგლებში საკუთარი მოგვარება უნდა იპოვოს და დღეს მიღებულ ერთობლივ დეკლარაციაში სწორედ ეს პრინციპებია ასახული: "ამიტომაც მინდა, ჩემს კოლეგებს მადლობა გადავუხადო".