ოქტომბერში კინოსტუდია "აზერბაიჯანფილმის" პროდუქციის კინორეჟისორ ოქტაი მირგასიმოვის ფილმის "შურისძიების გარეშე არ მოკვდე" პრეზენტაცია გაიმართება.
ამის შესახებ კინოსტუდიის დირექტორმა მუშფიგ ჰათამოვმა განაცხადა. ფილმის პოსტ-პროდაქშენის სამუშაოები ისრაელის ფილმის კომპანიაში ჩატარდა.
აღსანიშნავია, რომ ფილმი აზერბაიჯანში მცხოვრები გერმანელების 1941 წელს იოსიფ სტალინის ბრძანებით შუა აზიაში დევნას ასახავს. ამ საკითხის ისტორია კი XIX საუკუნის დასაწყისში გადის. მაშინ გერმანელი თემები მეფე ალექსანდრე I-ის თანხმობით რუსეთის იმპერიის ოლქებში - კრიმში, კავკასიაში მოსდიოდნენ და იქ სახლდებოდნენ. 1819 წელს ვურტემბერგის სამეფოდან - ამჟამად გერმანიის ბადენ-ვურტემბერგის ოლქიდან ჩამოსული გერმანელები აზერბაიჯანის დასავლეთში, განჯას მახლობლად პირველ კოლონიას - სოფელ ჰელენენდორფს (ახლანდელი ქალაქი გოიგოლი) აშენებენ.
ფილმში წერილები, აღიარებები, მოგონებები, გრძნობები და გამოცდილებებია ნაჩვენები. ფილმის დამაინტრიგებელი სახელწოდება ბოლოს ხდება ცნობილი. სიუჟეტი ისეა აგებული, რომ ფილმი მაყურებლისთვის მოულოდნელად სრულდება.