Paşinyan və Ştaynmayer Azərbaycanla Ermənistan arasında sülh prosesini müzakirə ediblər
Ermənistanın baş naziri Nikol Paşinyan və Almaniya Prezidenti Frank-Valter Ştaynmayer martın 31-də İrəvanda Azərbaycan və Ermənistan arasındakı sülh prosesini müzakirə ediblər.
Ermənistan hökumətinin yaydığı məlumata görə, görüşdə iki ölkə arasında sülh və dövlətlərarası münasibətlərin qurulmasına dair müqavilə layihəsi müzakirə edilib. Paşinyan və Ştaynmayer Cənubi Qafqazda sabitlik və sülhün təmin olunması üçün bu razılaşmanın əhəmiyyətini vurğulayıblar.
