ყარსის არფაჩაის რაიონში თურქეთი-სომხეთის საზღვრის შემთხვევით გადაკვეთის გამო სომეხი ჯარისკაცის მიერ მოკლული მწყემსის ძმამ რამაზან ულქერმა აღნიშნა, რომ მკვლელობის დროს მის უფროს ძმას იარაღი არ ჰქონია.
რამაზან ულქერმა აღნიშნა, რომ უფროს ძმასთან მუსტაფა ულქერთან ერთად სამწყემსო სამუშაოსთვის სომხეთის ტერიტორიაზე გადავიდნენ და სომეხ ჯარისკაცებს მათთვის "გაჩერდით" არ უთქვამთ:
"ბალახში მწოლიარე ჯარისკაცი უცებ წამოდგა და ჩემს ძმას უკნიდან ესროლა. მუსტაფა ძირს დაეცა და მე მასთან მიახლოება მინდოდა, მაგრამ ჯარისკაცმა ჩემი დაშორებისთვის ჰაერში ისროლა. სროლის ხმაზე რამდენიმე ჯარისკაცი მოვიდა. რამდენიმე წუთის შემდეგ კი რაციით შემთხვევის შესახებ კომანდირს აცნობეს".
მოკლულის ბიძაშვილი ვაჰიდ ულქერიც ინციდენტის შესახებ გაგონებისთანავე, საზღვართან მივიდა და აცხადებს, რომ თურქი ოფიცრები იქ იყვნენ. მისი თქმით, სომეხმა ოფიცერმა მათ მუსტაფას დაჭრის და მისი ბიძაშვილის გახსნილი ცეცხლის გამო ერთ-ერთი ჯარისკაცის დაღუპვის შესახებ აცნობეს: "მაგრამ ყველაფერი ეს ტყუილია. დილაადრიან კი ჩვენ ცხედარი ჩაგვიბარეს. მოიტყუეს და არანაირი ჩარევის გარეშე დილამდე შემთხვევის ადგილას დატოვეს. ჩემი ბიძაშვილი უკნიდან და განზრახ მოკლეს".
გარდაცვლილის მეორე ბიძაშვილი გურბუზ ულქერი კი აცხადებს, რომ შემთხვევის ზუსტი გამოძიებისთვის სამართალდამცავ ორგანოებს და პროკურატურას მიმართავენ: "შემთხვევასთან დაკავშირებით სისხლის სამართლის საქმის აღძრისთვის ხელთარსებულ ფაქტებს და პრეტენზიებს დავაყენებთ. ჩვენი მთავრობაც ამ საკითხში დაგვეხმარება".
მუსტაფა ულქერის ნათესავები აცხადებენ, რომ მას საკუთარი სახლი არ ჰქონდა, მეუღლესთან და ორ შვილთან ერთად ბიძასთან ცხოვრობდა.
"მწყემს თან მხოლოდ დანა ჰქონდა".