საქართველო უკვე ოფიციალურად ამოღებულ იქნა კავკასიის მუსულმანური საბჭოს (კმს) უფლებამოსილების ფარგლებიდან.

ინფორმაციის თანახმად, კმს-ის უფლებამოსილების ფარგლები აზერბაიჯანს, დაღესტანს, ჩეჩნეთს, ინგუშეთს, ჩერქეზეთს, ყაბარდო-ბალყარეთს, ადიღეის და ჩრდილოეთ ოსეთი-ალანიას მოიცავს.

აღსანიშნავია, რომ 2011 წელს საქართველოში საქართველოს მუსულმანური საბჭო (სმს) შეიქმნა და რეგისტრაცია გაიარა. სმს-ის თავმჯდომარე ვაგიფ აკბეროვია.

ინფორმაციის თანახმად, ფაქტობრივად, ადგილობრივი მუსულმანების უმრავლესობა სმს-ზე არის კონცენტრირებული. კმს-ის წარმომადგენლობა კი მხოლოდ აზერბაიჯანელების მიერ კომპაქტურად დასახლებული რეგიონის მცირე ნაწილს მოიცავს.

„კავკასიის რეგიონის ქვეყანა საქართველოში ფუნქციონირებს კმს-ის ოფიციალური წარმომადგენლობა. კმს-ის საქართველოს წარმომადგენლობა საქართველოს რესპუბლიკის იუსტიციის სამინისტროში არის დარეგისტრირებული. „რელიგიის თავისუფლების“ შესახებ კანონში უკანასკნელი ცვლილებების თანახმად, საჭიროებისამებრ, უცხოეთში მცხოვრები თანამემამულეების რელიგიური და სულიერი მოთხოვნილებების დაკმაყოფილების მიზნით იგეგმება უცხო ქვეყნებში კმს-ის წარმომადგენლობების შექმნა. საბჭოს წარმომადგენლობები უკვე სტამბულში, მოსკოვში, დერბენდსა და ჩრდილოეთ კავკასიაში შეიქმნა და ოფიციალურად ფუნქციონირებს. ახლო მომავალში წარმომადგენლობის შექმნა იგეგმება უკრაინის ქალაქ ხარკოვშიც“, - განაცხადა პრესსამსახურმა.