სომხეთში საქართველოს მოქალაქე აზერბაიჯანელის ალახვერდი ფალანგოვის წინააღმდეგ საზღვრის უკანონოდ და უსაბუთოდ გადასვლის ბრალდებით სისხლის სამართლის საქმე აღიძრა. ამის შესახებ სომხეთის ეროვნული უშიშროების სამინისტრომ განაცხადა.
განცხადებაში ნათქვამია, რომ 18 აგვისტოს ლორის პროვინციის სოფელ ჩოჩქანის მახლობლად დაკავებული წარმოშობით აზერბაიჯანელი საქართველოს მოქალაქის წინააღმდეგ სისხლის სამართლის კოდექსის 329-ე მუხლის 1 ნაწილით სისხლის სამართლის საქმე აღიძრა. ეს მუხლი მინიმალური ხელფასიდან 100-200-ჯერ მეტ ჯარიმას ან მაქსიმუმ 3 წლით თავისუფლების აღკვეთას ითვალისწინებს.

იძულებით გადაადგილებულ პირთა ჯგუფმა მირელი გაშგაის ქუჩასთან ბაქოხანოვის ქუჩის გადაკვეთაზე გზა დაკეტეს. იძულებით გადაადგილებული პირები მათთვის მიცემული ბინების უსამართლოდ გადანაწილებას აპროტესტებენ.
ამჟამად გზა დაკეტილია და საგზაო პოლიციის ძალისხმევის მიუხედავად, აქციის მონაწილეებმა გზა არ გახსნეს.

"სახლში ფული ვერ ვიპოვე, ერთი სამაჯური იყო, ისიც ოქრო არ აღმოჩნდა"
"ძალიან ვნანობ. მეც მყავს დედა. ქალი მოვკალი. არაკაცურად მოვიქეცი". ეს 5 დღის წინ 58 წლის ელმირა დადაშოვას საკუთარ სახლში დანით 15 ჭრილობის მოყენებით მკვლელმა 31 წლის ალაგიფ აბასოვმა საწყისი გამოძიებისთვის მიცემულ ჩვენებაში განაცხადა.
ალაგიფ აბასოვმა განაცხადა, რომ იგი უმაღლეს სკოლაში მასწავლებლად მომუშავე ელმირა დადაშოვას სახლში ქურდობის მიზნით შევიდა, უფრო სწორად, ნარკომანობის გამო ტკივილების გასაყუჩებლად ფულს ეძებდა.
""რეშოტკა" გავტეხე და სახლში შევედი, იქ ქალი იმყოფებოდა. მან ყვირილი დაიწყო, მეზობლებმა გაიგეს. მე კი ქალს ვუთხარი, აქ ფულისთვის ვარ შემოსული, შენი მოკვლა არ მინდა-მეთქი. ქალმა მითხრა, ფული არ გვაქვსო. დანით ერთი-ორჯერ დავარტყი. მერე მითხრა, ბევრ ფულს მოგცემო. შემდეგ კი მითხრა, წყალი მომეციო. სამზარეულოში წავიყვანე, პირი დავუბანე და წყალი მივეცი, მან კი ისევ ყვირილი დაიწყო. სამზარეულოში ყველის დანა იყო. ავიღე და ჩავარტყი. მეზობლები კარზე აკაკუნებდნენ, მე კი უფრო მეტი ჭრილობა მივაყენე. არ ვიცი, რამდენჯერ დავარტყი. სახლში ქურდობის მიზნით შევვარდი. სინამდვილეში, კაცმა მომატყუა. კარი გარედან ჩაკეტა და წავიდა, მე კი მეგონა, რომ სახლში არავინ იყო, ცარიელი იყო".
ინფორმაციის თანახმად, ალაგიფმა მკვლელობის ჩადენის შემდეგ სახლიდან ერთი სამაჯური აიღო.
"სახლიდან ფული ვერ წავიღე. არაფერი. რადგან მეზობლები მოდიოდნენ. ერთი სამაჯური იყო, ისიც ოქრო არ ყოფილა. გავტეხე და გადავაგდე".
სხვათა შორის, ცნობილი გახდა, რომ აბასოვს აქამდე რამდენიმე სახლი გაუძარცვავს.
ფაქტთან დაკავშირებით აბშერონის რაიონის პროკურატურაში სისხლის სამართლის საქმე აღიძრა, მიმდინარეობს გამოძიება.

დღეს საღამოს საათებში ქალაქ ბაქოს ნეფთჩილერის გამზირის დროშის მოედნის მახლობლად საბედისწერო საგზაო ტრანსპორტის შემთხვევა მოხდა.
90 DN 988 სახელმწიფო ნომრის ნიშნით "Mitsubishi Lancer" "Tofash"-ს დაეჯახა. ავარიის შედეგად "ტოფაშის" მარკის ავტომობილი ტროტუარზე გადატრიალდა.
საშინელი ავარიის შედეგად "ტოფაშში" მსხდარი 3 ადამიანი სხეულის მძიმე დაზიანებებით საავადმყოფოში გადაიყვანეს.
ორივე ავტომობილი უვარგის მდგომარეობაშია.

გუშინ ღამის საათებში საქართველოს მარნეულის რაიონის სოფელ სადახლოს მკვიდრი სომეხმა მესააზღვრეებმა მძევლად აიყვანეს.
ეს კავშირ "სადახლოს აღორძინების" თავმჯდომარემ საბირ მეჰდიევმა განაცხადა.
მისი თქმით, გუშინ ღამით სადახლოს მკვიდრი ალავერდი ფალანგოვი საღამოსკენ სოფლის მახლობლად მუშულის ტყეში ცხვრის ფარის ძებნისას სომეხმა მესაზღვრეებმა ის დააკავეს: "ის ღამის 2 საათამდე სომხების სადახლოს მახლობლად მდებარე სამხედრო ნაწილში ჰყავდათ და შემდეგ ერევანში წაიყვანეს. დღეს დილით კი სომხეთიდან ალავერდი ფალანგოვის შვილს ქენანს დაურეკეს და განაცხადეს, რომ მამამისი ერევნის ეროვნული უშიშროების სამინისტროში იმყოფება".
ფალანგოვის ძმისშვილმა ანარ ფალანგოვმა ეს შემთხვევა დაადასტურა და განაცხადა, რომ ისინიამჟამად სადახლოში სომხეთ-საქართველოს საზღვარზე საბაჟო-გამშვებ პუნქტში იმყოფებიან: "ქართველი ჯარისკაცები აცხადებენ, რომ საზღვარზე არავინ არ გადასულა. მათ განაცხადეს, რომ ბიძაჩემის ადგილსამყოფელი არ იციან. მაგრამ სომხეთის სამხედრო ნაწილისგან დაგვირეკეს, ამჟამად კი იქიდან არავინ არ გვპასუხობს".
აღსანიშნავია, რომ ალავერდი ფალანგოვი 1969 წელსაა დაბადებული.