Azərbaycanlıların kompakt yaşadığı Bolnisi rayonundan parlament seçkilərində təşəbbüs qrupu ilə deputatlığa müstəqil olaraq namizəd irəli sürülmüş və Mərkəzi Seçki Komissiyasında qeydiyyatdan keçmiş Namiq Hacıyev namizədliyini geri götürüb.APA-nın Gürcüstan bürosunun məlumatına görə, bu barədə namizədin özü məlumat verib.

Deputatlığa namizəd Namiq Hacıyev APA-ya açıqlamasında bütün müsəlmanları birliyə və həmrəyliyə çağıran müqəddəs Qurban Bayramı günündə parlamentə deputatlığa namizədliyini geri götürdüyünü bildirib: “Mən birlik və həmrəylik naminə belə bir addım atdım. Məni tanıyanlar və bölgədəki seçki durumu barədə məlumatlı olanlar yaxşı bilir ki, reytinqim və potensialım digər namizədlərdən heç bir parametrə görə əskik deyildi. Buna rəğmən, mən səslərimizin bölünməməsi üçün bu addımı atdım. Ümidvaram ki, bu addımım digər namizədlər üçün də örnək olacaq. Düşünürəm ki, ümumi məqsədlər naminə şəxsi ambisiyalardan vaz keçməyi bacarmaq lazımdır. Ulu Tanrı millətimizə, dövlətimizə və onun bütün vətəndaşlarına xoş gələcək, rifah və əmin-amanlıq nəsib etsin”, - deyə Namiq Hacıyev vurğulayıb.

Qeyd edək ki, parlamentə deputatlığa müstəqil namizəd olan Namiq Hacıyev Azərbaycanın əməkdar mədəniyyət İşçisidir. O, hazırda Heydər Əliyev adına Tiflis Dövlət Dram Teatrının direktor müavini vəzifəsində çalışır, həmçinin Gürcüstan Elm və Təhsil Nazirliyinin nəzdində fəaliyyət göstərən Dövlət Qiymətləndirmə və İmtahan Mərkəzinin xarici dillər üzrə qrupun əməkdaşıdır. O, Şota Rustaveli adına Tiflis Dövlət Teatr və Kino Universitetinin aktyorluq və rejissorluq fakültəsini və Dövlət İdarəçilik İnstitutunun hüquq fakültəsini bitirib.  

35 yaşında olan Namiq Hacıyev gürcü dilini mükəmməl bilir və onun rejissorluğu ilə bir çox xarici və Azərbaycan dram əsərləri teatrda tamaşaya qoyulub.

Qeyd edək ki, Bolnisi seçki dairəsindən 5 nəfər azərbaycanlı parlament seçkilərində öz namizədliyini irəli sürüb.

Azərbaycan kəndində yaşayan Erməni müəllim qürurla:”Vətən üçün 9 əsgər böyüdürəm”-deyir...

NATO-nun baş katibi Yens Stoltenberq səfər çərçivəsində Gürcüstanın baş naziri Giorgi Kvirikaşvili ilə görüşəcək. Sonra tərəflər sentyabrın 7-8-də keçiriləcək NATO-Gürcüstan sessiyasının açılışına qatılacaqlar.

Cəlilabad rayonunda gənc qadını ilan sancıb.

Hadisə rayonun Musalı kəndində qeydə alınıb. 

Belə ki, həmin kəndin sakini Esmira Tarverdiyeva həyətdə paltar sərərkən ilan onun ayaq nahiyyəsindən sancıb. E.Tarverdiyevanın qışqırıq səsinə gələn yaxınları ilanı zərərsəzləşdirə biliblər.

Məlum olub ki, qadını sancan ilan gürzədir. E.Tarverdiyeva atası tərəfindən Cəlilabad Mərkəzi Rayon Xəstəxanasına çatdırılıb. 

Lakin onun səhhəti pisləşdiyi üçün təcili tibbi yardımla paytaxta göndərilib.

Azərbaycanda quduzluğa yoluxan 10 yaşlı oğlan ölüb.

Səhiyyə Nazirliyi Respublika Taun Əleyhinə Stansiyanın Xüsusi təhlükəli yoluxucu xəstəliklərin epidemiologiyası şöbəsinin müdiri Rita İsmayılova APA-ya deyib ki, Salyan rayonunun Dayıkənd sakini İsmayılov Aqil İlkin oğlunu 20 gün əvvəl təhlükəli yerlərdən-baş, üz, ağzından it dişləyib. R.İsmayılova qeyd edib ki, dişləmə qeydə alınan gün uşaq Salyan rayon Mərkəzi Xəstəxanasına aparılıb, müayinələrə başlanıb, iynələri vurulub: “Lakin xəstəliyin inkubasiya (gizli) dövrü qısa olduğuna görə uşaqda immunitet yaranmayıb, nəticədə o, quduzluğa yoluxub. Uşaq Bakıya gətirilib, onun 1 saylı uşaq yoluxucu xəstəxanasında simptomatik müalicəsi aparılıb. Buna baxmayaraq, azyaşlının həyatını xilas etmək mümkün olmayıb və iyulun 7-də vəfat edib. Məlumdur ki, insanda quduzluq qeydə alınırsa, heç bir müalicəsi yoxdur və ölümlə nəticələnir”.

R.İsmayılova əlavə edib ki, il ərzində qeydə alınan 17 minə qədər heyvan dişləmələrinin hamısı sağalır. Nadir hallarda inkubasiya (gizli) dövrü çox qısa olur: “Bu uşaqda da inkubasiya dövrü 14 gün olub və artıq əlamətlər başlayıb. Uşaqda immunitet yaranmadığından müalicə kömək etməyib. Bundan əlavə, dişləmə təhlükəli yerlərdən - üz, baş, barmaqlar, yuxarı ətraflardan olduğunda, bunlar beynə yaxın olduğu üçün ölüm daha tez baş verə bilir”.

Şöbə müdiri əhaliyə müraciət edərək valideynləri uşaqlarını və özlərini naməlum heyvanlardan qorumağa çağırıb: “Uşaqları sahibsiz buraxmasınlar. Hər hansı bir dişləmə olduqda dərhal həkimə müraciət etsinlər, iynələri sxem üzrə vurdursunlar. Öz heyvanlarını vaxtında peyvənd etdirsinlər”.

Qeyd edək ki, bu, 2016-cı ildə qeydə alınan ikinci faktdır. İlk hadisə ilin may ayında Zaqatalada qeydə alınıb. 1969-cu il təvəllüdlü Pəri Qasım qızı Turacovanı küçə iti dişləsə də, xəstəxanaya müraciət etməyib. Nəticədə P. Turacova Zaqatalada quduzluq xəstəliyindən vəfat edib.

İyulun 3-də Moskvada “Poklonnaya qora”dakı məscidin yaxınlığında qurulmuş “Ramazan çadırı”nda Heydər Əliyev Fondunun vitse-prezidenti Leyla Əliyevanın təşəbbüsü ilə Azərbaycan Günü təşkil edilib və iftar verilib.

Rusiya Müftilər Şurasının dəstəyi ilə təşkil olunan tədbirdə ictimai təşkilatların, Azərbaycanın bu ölkədəki səfirliyinin, Heydər Əliyev Fondunun Rusiyadakı Nümayəndəliyinin, Ümumrusiya Azərbaycanlılar Konqresinin, Rusiyanın Azərbaycanlı Gənclər Birliyinin və azərbaycanlıların digər diaspor təşkilatlarının nümayəndələri, eləcə də müxtəlif millətlərdən olan dindarlar, ümumilikdə 800-dən çox insan iştirak edib.

Əvvəlcə “İxlas” Fondunun nümayəndəsi Anas Məmmədov müqəddəs ayın mahiyyətindən, oruc tutmağın faydasından danışıb, habelə Ramazan bayramına həsr edilən şeirlər səsləndirilib. Müğənni Samir Salam dini mahnılar və xalq mahnıları ifa edib. Sonra müqəddəs Qurani-Kərimdən surə və iftar duası oxunub. Həmvətənlərimiz iftar süfrəsinə düzülmüş Azərbaycan milli yeməklərindən və şirniyyatlarından dadıblar.

“Ramazan çadırı” mədəni-xeyriyyə tədbiri çərçivəsində Azərbaycan Gününün təşkilinə görə Heydər Əliyev Fondunun vitse-prezidenti Leyla Əliyevaya Moskva Müsəlmanları Ruhani İdarəsi adından ünvanlanan təşəkkür məktubu oxunub. Məktubda vurğulanır ki, Moskva müsəlmanlarının mədəni-xeyriyyə layihəsində iştirak xalqların birləşməsinə, yaxınlaşmasına və qarşılıqlı mədəni inteqrasiyasına, ənənəvi dini-mənəvi dəyərlərin dirçəlişinə xidmət edir.

Azərbaycanın Rusiyadakı səfirliyinin nümayəndəsi Aqşin Əliyev çıxış edərək tədbir iştirakçılarını səfir Polad Bülbüloğlunun adından salamlayıb və Azərbaycanda müqəddəs Ramazan ayına necə önəm verilməsindən danışıb.

Moskva müftisinin mədəni-maarif proqramları üzrə müavini Raşid Akkaziyev Heydər Əliyev Fonduna və şəxsən Fondun vitse-prezidenti Leyla Əliyevaya tədbirin təşkilinə görə təşəkkür edib. R.Akkaziyev vurğulayıb ki, müqəddəs Ramazan ayının hər günü xüsusi məna daşıyır.

Tədbirdə Azərbaycan haqqında videoçarx nümayiş etdirilib. “Baku”, “AMOR”, “İrs” jurnallarının nüsxələri, multimedia diskləri, ölkəmizin gözəl məkanlarının əks olunduğu açıqcalar paylanılıb.

Xatırladaq ki, Heydər Əliyev Fondunun Rusiya Federasiyasındakı Nümayəndəliyi artıq 11-ci ildir ki, Rusiya Müftilər Şurasının “Ramazan çadırı” layihəsində iştirak edir və möminlər üçün iftar süfrəsi açır.