"აზერსუ ASC" რეგიონებში მომხმარებლების წყალმომარაგების გაუმჯობესებას დიდ ყურადღებას აქცევს.
საზოგადოების პრესსამსახურის განყოფილების ინფორმაციით, ამჟამად 38 ქალაქის და რაიონის ცენტრებში წყალმომარაგებასთან და საკანალიზაციო სისტემების განახლებასთან დაკავშირებით კომპლექსური რეკონსტრუქციები ხორციელდება.
რეგიონებში განხორციელებული პროექტები რაიონის ცენტრების მახლობლად და სამაგისტრალო სადენების გავლილ ტერიტორიებზე მდებარე 350-ზე მეტ სოფელსაც მოიცავს.
მომხმარებელთა ხარისხიანი და რეგულარული სასმელი წყლის მიწოდებისთვის ახალი ინფრასტრუქტურა იქმნება.
"აზერბაიჯანის რესპუბლიკის რეგიონების 2009-2013 წლებში სოციალურ-ეკონომიკური განვითარების სახელმწიფო პროგრამის" შესაბამისად მტკვრის ირგვლივ რაიონებში წყლის პრობლემის მოგვარების მიზნით აშენებული შირვან-მუღანის ჯგუფური წყალსადენის მშენებლობა დასრულების პირასაა. შირვან-მუღანის ჯგუფური წყალსადენის, რომლის საფუძველი 2012 წლის 16 ივლისს პრეზიდენტის ილჰამ ალიევის მიერ იყო დაფუძნებული, წყარო მტკვრის წყლის სადენი სისტემაა. სამშენებლო სამუშაოების დაწყებიდან დღემდე საერთო სიგრძე 107 კმ-ის მქონე მაგისტრალური სადენის 100 კმ-იან ნაწილში სამუშაოები სრულად დასრულებულია. სადენის 55 კმ ნაწილი 1200 და 1000 მმ-ის დიამეტრის მქონე ლითონის, 52 კმ-იანი ნაწილი კი 710 მმ-ის დიამეტრის მქონე პოლიეტილენის მილებით არის გაყვანილი.
სამუშაოების ხარისხიანად დასრულებისთვის ტექნიკური მოთხოვნების შესაბამისად მილების შედუღებული ნაწილი ულტრაბგერითი აპარატით იმოწმება და თითოეულ შედუღებას ინდივიდუალურად აფასებენ. გადაყვანილი წყლის ხარისხის მაჩვენებლების მაღალ დონეზე შენახვას და კოროზიის თავიდან ასაცილებლად სადენების გადაყვანისას გამოყენებული მილები შიგნიდან იზოლირებულია.