თბილისში სასტუმრო „ქორთიარდ მარიოტის“ შენობის მახლობლად არასამთავრობო ორგანიზაცია „ახალგაზრდა პოლიტოლოგების კლუბის“ მიერ საქართველოს ნატოში შესვლის წინააღმდეგ და ჯარის ავღანეთიდან გამოყვანის მოთხოვნით აქცია გაიმართა.

აქციის მონაწილეები სასტუმროში ნატოსა და საქართველოს თანამშრომლობას მიძღვნილი შეხვედრის ჩატარებასთან დაკავშირებით შეიკრიბნენ.

ორგანიზაცია „ახალგაზრდა პოლიტოლოგების კლუბის“ წარმომადგენლის გიორგი მდივანის ჟურნალისტებისთვის მიცემული ინტერვიუს თანახმად, საქართველოს ნატოში მიღება ჯერჯერობით მხოლოდ და მხოლოდ პოლიტიკური სპეკულაციაა.

„აქ „ნატოს კვირის საქართველოში“ დახურვის ცერემონიის გამო შევიკრიბეთ. ჩვენ ნატოსგან სიცხადეს მოვითხოვთ - არც ჩვენთვის, არც საზოგადოებისთვის არ არის ცნობილი თუ როდის მიიღებს საქართველო მაპს. ან ალიანსი და მასთან თანამშრომლობა საქართველოს აფხაზეთსა და სამხრეთ ოსეთში პრობლემების მოგვარებაში როგორ დაეხმარება“, - განაცხადა მდივანმა.

„ჩვენ მოვითხოვთ, დაუყოვნებლივ გამოიყვანონ ქართველი ჯარები ავღანეთიდან. უკვე 29 ქართველი სამხედრო დაიღუპა. ეს კი ოპერაციაში მონაწილე ქვეყნებს შორის პროცენტული გათვლით ყველაზე მაღალი მაჩვენებელია. გარდა ამისა შემთხვევები, ფაქტობრივად, ავღანეთის ოკუპაციაა, და ჩვენ ამაში მონაწილეობის წინააღმდეგნი ვართ. ამიტომაც ჩვენ აქციაზე მოკლული ავღანელების, ქალებისა და ბავშვების ფოტოები მოვიტანეთ. ჩვენ არ გვინდა, რომ საქართველომ ამაში მონაწილეობა მიიღოს“, - განაცხადა მან.

მდივანმა აღნიშნა, რომ მომავალ კვირას „ახალგაზრდა პოლიტოლოგების კლუბი“ ნატოსთან თანამშრომლობის თემაზე მრგვალ მაგიდავს გამართავს და ყველა დაინტერესებულ პირს შეუძლია მონაწილეობის მიღება.