საქართველოში მოქმედი აზერბაიჯანის რესპუბლიკის სახელმწიფო ნავთობკომპანიის შვილობილი კომპანია "სოკარ ჯორჯია გაზი" საქართველოში მაღალ მთიან თიანეთის დასახლებაში გაზგაყვანილობას აგრძელებს. აქამდე 11 კილომეტრის სიგრძის გაზსადენია გაყვანილი და 305 აბონენტი ბუნებრივი აირით არის უზრუნველყოფილი. გაზგაყვანილობის პირველი ეტაპის დასრულებასთან დაკავშირებით ჩატარებულ ღონისძიებაზე მონაწილე საქართველოს პრემიერ მინისტრის მოადგილემ, ენერგეტიკის მინისტრმა კახი კალაძემ და სოკარის საქართველოში წარმომადგენლობის ხელმძღვანელმა მაჰირ მამედოვმა დასახლების ერთ-ერთი მაცხოვრებლის ბინაში გაზქურა აანთეს.
საქართველოს პრემიერ-მინისტრის მოადგილემ, ენერგეტიკის მინისტრმა კახი კალაძემ სოკარს ქვეყნის გაზმომარაგებაში აქტიურ მონაწილეობის და ხარისხიანი სამუშაოებისთვის მადლობა გადაუხადა. მან მცხეთა-მთიანეთის რეგიონის მაღალმთიანი ტერიტორიის თიანეთის გაზმომარაგების პროცესის პირველი ეტაპის დასრულებას წამახალისებელი უწოდა და დარწმუნებით აღნიშნა, რომ სოკარი როგორც ძირითად რეგიონებში, აქაც დაწყებულ საქმეს წარმატებით დაასრულებს.
სოკარის საქართველოში წარმომადგენლობის ხელმძღვანელმა მაჰირ მამედოვმა გაკეთებული საქმეების შესახებ ინფორმაციის გაცემისას ახსენა, რომ მცხეთა-მთიანეთის რეგიონში 9.200 აბონენტს ბუნებრივი აირის მიწოდება უზრუნველყვეს, 260 კილომეტრის სიგრძეზე გაზსადენი არის გაყვანილი. რეგიონის თიანეთის რაიონს გაზის გაყვანილობის სამუშაოები რამდენიმე ხნის წინ დაიწყო და პირველი ეტაპი წარმატებით დასრულდა. დასახლებაში მცხოვრები 1.200-დან 305 ოჯახი ბუნებრივი აირით უზრუნველყოფილია.
მაჰირ მამედოვმა გამოსვლისას განაცხადა, რომ წლის ბოლომდე კიდევ 300 ოჯახი იქნება ბუნებრივი აირით უზრუნველყოფილი და 2014 წლის ბოლოს თიანეთის დასახლების გაზგაყვანილობა მთლიანად დასრულდება. მან აგრეთვე აღნიშნა, რომ აზერბაიჯანელების კომპაქტურად დასახლებულ ქვემო-ქართლის რეგიონ ბორჩალიში გაზმომარაგება 75%-ით არის დასრულებული.