აზერბაიჯანი სამხრეთ კორეისგან დიდი პარტიის თანამედროვე იარაღის შეძენას გეგმავს.
ამის შესახებ სამხრეთ კორეის პარლამენტის წყარომ განაცხადა. წყაროს თქმით, თანამედროვე სამხედრო ტექნიკის შეძენის სურვილი სამხრეთ კორეის პარლამენტის დელეგაციის აზერბაიჯანში ვიზიტის დროს გაჟღერდა. აზერბაიჯანი სამხრეთ კორეისგან საერთო ღირებულების 3 მილიარდი დოლარის ორი წყალქვეშა ნავის, ესკადრა ბომბის გემის, სატრანსპორტო გემის, ზებგერითი სიჩქარის სასწავლო თვითმფრინავები "T-50", მსოფლიოში საუკეთესო 155 მილიმეტრიანი K-9 თვითმავალი საარტილერიო მოწყობილობის, ვერტმფრენების, უპილოტო საფრენი აპარატურის ყიდვის სურვილი გამოთქვა.
მიუხედავად იმისა, რომ ეს წინადადებები სამხრეთ კორეის ხელისუფლებას გადასცეს, კორეას ჯერჯერობით თანხმობა არ განუცხადებია.
წყაროს თანახმად, ოფიციალური სეული ამ იარაღის გაყიდვით რეგიონში ძალების ბალანსის შეცვლას უფრთხილდება. მთიანი ყარაბაღის კონფლიქტის მოუგვარებლობის გათვალისწინებით, სამხრეთ კორეის საგარეო საქმეთა სამინისტრო თავდაცვის სამინისტროს ამის შესახებ გადაწყვეტილების მიღებისას სიფრთხილეს და თავშეკავებას ურჩევს.