როდესაც ექიმები ბავშვის მორგში გადაყვანას აპირებდნენ, პატარა იასმინ გომესმა სუნთქვა დაიწყო.
სამხრეთ ბრაზილიაში მდებარე ქალაქ ლონდრინას "Lincoln Graca Hospital"-ში ბავშვი მედდამ გადაარჩინა.
ქალმა ბავშვის მორგში გადაყვანა ვერ გაბედა და ბავშვი, რომელიც არ სუნთქავდა, საავადმყოფოსთან მდებარე ეკლესიაში წაიყვანა.
სამი საათის შემდეგ ბავშვის ბებია ელზა სილვა საავადმყოფოში მოვიდა და ბავშვის მორგში გადაყვანა მოინდომა. როდესაც ეკლესიაში შევიდა, ნახა, რომ გოგონა ცოცხალია.
პატარა გოგო ხელ-ფეხს ამოძრავებდა.
"თავიდან არ მჯეროდა, რომ ეს ხდებოდა. შემდეგ დავრწმუნდით, რომ ბავშვი სუნთქავს. გარშემო მყოფ ადამიანებს ჩავეხუტე. დავიწყეთ ყვირილი - "ის ცოცხალია, ცოცხალი!" - ამბობს ელზა სილვა.
მიუხედავად იმისა, რომ პატარა იასმინ გომესი ნორმალურად დაიბადა, ცოტა ხნის შემდეგ მას სუნთქვა შეუჩერდა. ექიმების ძალისხმევის მიუხედავად, სუნთქვა ვერ აღუდგინეს. ამიტომაც ბავშვის მშობლებს მისი გარდაცვალების ცნობა მისცეს.
22 წლის დედა ჯენიფერ და სილვა გომესი ამბობს: "ამ დროს, თითქოს, მსოფლიო დამენგრა. ჩემი ყველა ოცნება დაინგრა".
მედდა ანა კლაუდია ოლივეირა კი იფიცება, რომ პატარა იასმინი მკვდარი იყო.
"მისი თვალი შუქზე არ რეაგირებდა. ყველა მაჩვენებელი ბავშვის სიკვდილს აფიქსირებდა. მისი სხეული ჩალურჯებული იყო, არ სუნთავდა. ღმერთს ვფიცავ, რომ იგი მკვდარი იყო. მიუხედავად ყველაფრისა, ის პატარა ანგელოზს გავდა, ამიტომაც მე გოგონა ჯერ ეკლესიაში წავიყვანე", - განაცხადა ოლივეირამ.