პრეზიდენტობის კანდიდატურის წამომყენებელი და ცესკოში დარეგისტრირებული ალდპ-ს თავმჯდომარე ფუად ალიევი მოიწამლა
ორი დღის წინ ალიევი პარტიის ხელმძღვანელობით ჩრდილოეთ რეგიონში რეგიონულ წარმომადგენლობაში ჩატარებული შეხვედრის შემდეგ ბაქოში დაბრუნებისას გზაში ერთ-ერთ რესტორანში ისადილა.საღამოსკენ კი პარტიის თავმჯდომარე უცებ ცუდად გახდა. ინფორმაციის თანახმად, ოჯახის წევრების მიერ პირველადი სასწრაფო დახმარების შემდეგ ალიევის მდგომარეობა გაუმჯობესდა.
ფუად ალიევის საარჩევნო შტაბის ხელმძღვანელმა ვაჰიდ ნაზაროვმა პარტიის თავმჯდომარის მოწამვლის ინფორმაცია დაადასტურა: "შეხვედრიდან დაბრუნებისას გზაში ცოტა ვისაუზმეთ. საღამოსკენ კი თავმჯდომარეს ოჯახის წევრებმა ეს ინფორმაცია შემატყობინა. ის მოიწამლა. ერთად ვისადილეთ, 4-5 ადამიანი ვიქნებოდით. რადგანაც ფუადის დედა ექიმია, სასწრაფო დახმარების გამოძახება არ გახდა საჭირო. გარკვეული მედიკამენტების და პირველადი სამედიცინო დახმარების მეშვეობით მისი მდგომარეობა გაუმჯობესდა".
რადგანაც ალიევის მოწამვლის შესახებ ზუსტი ინფორმაცია არ არსებობს, ნაზაროვმა ამის შესახებ არაფერი არ თქვა. მაგრამ მან ეს არ გამორიცხა.