ჩატარებული მსჯელობების შემდეგ 2013 წლის 9 ოქტომბრის აზერბაიჯანის რესპუბლიკის საპრეზიდენტო არჩევნების დღედ დანიშვნა და არჩევნებისთვის ოფიციალური სტარტის მიცემა გადაწყდა.
გადაწყვეტილების მიხედვით, საპრეზიდენტო არჩევნების კრიტერიუმები აზერბაიჯანის რესპუბლიკის კონსტიტუციის 100-102 მუხლებით, არჩევნების დანიშვნის ვადა და წესი კი საარჩევნო კოდექსით განისაზღვრა. კონსტიტუციის 101.1 მუხლის მიხედვით აზერბაიჯანის რესპუბლიკის პრეზიდენტი საყოველთაო, თანასწორი და პირდაპირი საარჩევნო უფლების თავისუფალი, საკუთარი და ფარული კენჭისყრით 5 წლის ვადით აირჩევა.
ბოლო საპრეზიდენტო არჩევნები 2008 წლის 15 ოქტომბერს ჩატარდა, რადგან ამჟამად რესპუბლიკის პრეზიდენტის 5-წლიანი უფლებამოსილების ვადის ბოლო წელი სრულდება, ახალი არჩევნების დანიშვნის საფუძველი გაჩნდა.
საარჩევნო კოდექსის 178.2 მუხლის თანახმად აზერბაიჯანის რესპუბლიკის საპრეზიდენტო არჩევნების ჩატარების დღე აზერბაიჯანის რესპუბლიკის ცენტრალური საარჩევნო კომისიის გადაწყვეტილებით ცხადდება. ამავე კოდექსის 178.3 მუხლის თანახმად არჩევნების ჩატარების დღის გამოცხადების შესახებ ცესკოს გადაწყვეტილება მინიმუმ ორ დღეში უნდა გამოქვეყნდეს.
ცესკომ ზემოთ აღნიშნული მუხლების თანახმად, კონსტიტუციის 100-102 და საარჩევნო კოდექსის 19.4-ე, 19.14-ე, 28.2-ე, 28.4-ე, 177-ე, 178.2-ე და 178.3-ე მუხლების თანახმად გადაწყვიტა, რომ 2013 წლის 9 ოქტომბერი აზერბაიჯანის რესპუბლიკის საპრეზიდენტო არჩევნების დღედ დაინიშნოს.