"მთიანი ყარაბაღის პრობლემის მოუგვარებლობა კავკასიის განვითარებას აჭიანურებს"
რუსი პოლიტიკოსი პარლამენტარებისგან შემდგარი ინსტიტუტ "კავკასიის ოთხეულის" დაფუძნების წინადადებით გამოვიდა.
პოსტსაბჭოთა ქვეყნების კვლევის ცენტრის დირექტორმა, ისტორიის მეცნიერებათა დოქტორმა, ცნობილმა რუსმა პოლიტოლოგმა სტანისლავ ჩერნიავსკიმ "პარლამენტსკაია გაზეტა"-ს ჟურნალისტებთან გამართულ შეხვედრაზე პარლამენტარებს ინსტიტუტ "კავკასიის ოთხეულის" დაფუძნებისკენ მიუწოდა. მისი აზრით, ამ ინსტიტუტის შექმნა კავკასიაში პრობლემების საპარლამენტო სპიკერების მიერ განსახილველად მნიშვნელოვან ნაბიჯად ითვლება.
ჩერნიავსკიმ, რომელმაც განაცხადა, რომ საქართველოში აზერბაიჯანისა და ყაზახეთის მიერ ინვესტიცია არის ჩადებული და აღნიშნა, რომ აზერბაიჯანი საქართველოსა და რუსეთს შორის შუამავალი შეიძლება იყოს: "იმიტომ რომ ბაქოსა და თბილისს შორის მეგობრული ურთიერთობები არსებობს".
ისტორიის მეცნიერებათა დოქტორმა მთიანი ყარაბაღის კონფლიქტის მოგვარების პროცესებზეც ისაუბრა. მისი თქმით, ამ პრობლემის მოუგვარებლობა კავკასიის განვითარებას აჭიანურებს: "თუ კონფლიქტის მოგვარებაში რაღაც პროგრესი იქნება, ტერიტორიის ცხოვრება მთლიანად შეიცვლება. მაგალითად, სომხეთს შეუძლია, ორ წელიწადში გამდიდრდეს".
ს. ჩერნიავსკიმ აზერბაიჯანს მეგობარ, ყველასთვის ღია ქვეყანა უწოდა: "აზერბაიჯანი ინფრასტრუქტურულად ძალიან განვითარებული ქვეყანაა. ერთი სიტყვით, სასეირნო, სანახავი ქვეყანაა. ამიტომაც რუსები ცოტა ხანში თურქეთის მაგივრად აზერბაიჯანში დაიწყებენ დასვენებას".