15 აგვისტოს გაბალას კულტურის სასახლეში თურქულენოვანი ქვეყნების თანამშრომლობის საბჭოს III უზენაესი სამიტის ფარგლებში კონცერტი ჩატარდა. აზერბაიჯანის რესპუბლიკის პრეზიდენტი ილჰამ ალიევი, თურქეთის რესპუბლიკის პრეზიდენტი აბდულა გიული და ყირგიზეთის პრეზიდენტი ალმაზბექ ათამბაევი კონცერტს დაესწრნენ.
კონცერტამდე აზერბაიჯანის პრეზიდენტ ილჰამ ალიევს, თურქეთის პრეზიდენტ აბდულა გიულს და ყირგიზეთის პრეზიდენტ ალმაზბექ ათამბაევს საერთაშორისო თურქული კულტური ორგანიზაციის - TURKSOY-ის დაფუძნების 20-ე წლისთავთან დაკავშირებით სამახსოვრო სუვენირები აჩუქეს.
შემდეგ აზერბაიჯანის, თურქეთის და ყირგიზეთის პრეზიდენტებმა მოკლედ ისაუბრეს. სასახლეში შეკრებილები სახელმწიფო მეთაურებს ილჰამ ალიევს, აბდულა გიულს და ალმაზბექ ათამბაევს ხმაურით დახვდნენ.
კონცერტში სახალხო არტისტი თემურ გოიჩაევის დირიჟორობით გარა გარაევის სახელობის სახელმწიფო კამერის ორკესტრის შესრულებით თურქულენოვანი ხალხის მუსიკა გაიჟღერა.
ამჟამად თურქულენოვან ქვეყნებს შორის კულტურულ საკითხებზე დიდი ყურადღებაა გამახვილებული.
ამ სფეროში თანამშრომლობა ყველა თურქულენოვან ქვეყანას შორის პრიორიტეტად იქცა.
შემთხვევითი არ არის, რომ თურქულენოვანი ქვეყნების მეთაურების უზენაეს სამიტზე კულტურის სფეროში თანამშრომლობის პერსპექტივები რეგულარულად ხაზგასმულია.
ამ პროცესს თურქულენოვანი ქვეყნების საერთო ორგანიზაცია TURKSOY-იც უჭერს მხარს.
ორგანიზაციის მეშვეობით ყოველწლიურად თურქულენოვანი ქვეყნების სხვადასხვა სფეროში რეალიზებული ღონისძიებები ამ ხალხებს შორის კულტურულ კავშირებს კიდევ უფრო აძლიერებს.
თურქულენოვანი ქვეყნების თანამშრომლობის საბჭოც თურქულენოვან ქვეყნებს შორის ურთიერთობების უფრო გაფართოების სამუშაოებს ღირსეულად უჭერს მხარს.