"მიწების ოკუპაციისგან გათავისუფლების შემდეგ მოკლე ვადაში ყველა ინფრასტრუქტურას აღვადგენთ".
ჩვენ აუცილებლად დავბრუნდებით იმ მიწებზე, ტერიტორიულ მთლიანობას აღვადგენთ და ყველა ქალაქს თავიდან ავაშენებთ. ეს 29 აგვისტოს აღჯაბადში საზოგადოების წარმომადგენლებთან შეხვედრისას პრეზიდენტმა ილჰამ ალიევმა განაცხადა. პრეზიდენტმა განაცხადა, რომ დარწმუნებულია, რომ პროგრამა "დიდი დაბრუნება" ცოტა ხანში განხორციელდება და ყველა ინფრასტრუქტურას, შენობას, საავადმყოფოს, სკოლას, სამუშაო ადგილს გახსნის.
"ამჟამად ოკუპაციისგან გათავისუფლებულ ტერიტორიებზე, განსაკუთრებით ფიზულის რაიონის ერთ ნაწილში განხორციელებული სამუშაოები იმას გვიჩვენებს, რომ ჩვენ ყველა აღდგენით სამუშაოს შესრულება მოკლე ვადაში შეგვიძლია. ამჟამად ყოველწლიურად 20 ათას ლტოლვილს თანამედროვე ბინებით, კორპუსებით უზრუნველვყოფთ. ანუ შეიძლება ითქვას, რომ ყოველწლიურად ჩვენ ერთი ქალაქისხელა დასახლებებს, სახლებს, ბინებს ვაშენებთ და ლტოლვილების განკარგულებაში ვაძლევთ. ამიტომაც მიწების ოკუპაციისგან გათავისუფლების შემდეგ მოკლე ვადაში ყველა ინფრასტრუქტურა აღიდგება და დღეს ოკუპირებულ მიწებს ახალი სიცოცხლე მიეცემათ", - განაცხადა პრეზიდენტმა.