ცნობილმა იურისტმა რუსტამ იბრაჰიმბეიოვის ტყუილი ამხილა
"ისინი, ვინც ეროვნული საბჭოს ერთადერთ კანდიდატ რუსტამ იბრაჰიმბეიოვზე "დებს" და მის აზერბაიჯანში ჩამოსვლა სჯერა, ცდებიან. პირადად მე ვფიქრობ, რომ იბრაჰიმბეიოვს არც აზერბაიჯანში ჩამოსვლა და არც არჩევნებში მონაწილეობა სურს".
ეს ცნობილმა იურისტმა ადილ ისმაილოვმა განაცხადა. მან აღნიშნა, რომ იბრაჰიმბეიოვის რუსეთის მოქალაქეობა მიზეზზე მეტად საბაბია: "რუსეთის მოქალაქეობასთან დაკავშირებით იბრაჰიმბეიოვის ნათქვამის გაანალიზებას ამ შედეგზე მივყავართ. მე, როგორც იურისტი მოქალაქეობის საკითხებთან დაკავშირებით რუსეთის კანონმდებლობას გავეცანი და რუსეთში ნაცნობ ადვოკატებს გავესაუბრე. მოქალაქეობაზე უარის სათქმელად პიროვნების რუსეთში ყოფნა აუცილებელი არაა".
ისმაილოვის თქმით, იბრაჰიმბეიოვს რუსეთში გადასახადებთან და სხვა ორგანოებთან პრობლემები რომ ჰქონოდა, ის რუსეთის ტერიტორიაზე თავისუფლად ვე იმოძრავებდა და იქაურობას თავისუფლად ვერ დატოვებდა.
აღსანიშნავია, რომ იბრაჰიმბეიოვმა აზერბაიჯანში არ ჩასვლა ასე გაამართლა: "რუსეთის მოქალაქეობაზე უარის თქმა ჩემი ამ პროცესში აქტიურად მონაწილეობასაც ითხოვს. ამიტომაც ბაქოში მხოლოდ ამ საკითხის მოგვარების შემდეგ დავბრუნდები. ჯერჯერობით კი ეს საკითხი ჩემი აზერბაიჯანიდან შორს ყოფნას ითხოვს. რამდენჯერმე მითქვამს, რომ ყველა ამ პროცედურის მოგვარება ჩემი მონაწილეობის გარეშე შეუძლებელია".