Artıq iki aydan çoxdur ki Türkmənistanın paytaxtı Aşqabadın Yubileynaya küçəsində yerləşən park yeri qara (tünd) rəngli avtomobillərlə doludur.

Dalga tv Sonxeber.az-a istinadən xəbər verir ki, avtomobillər faktiki olaraq polislərin tələbi ilə evakuasiya edilib. Bir neçə gün əvvəl avtomobillərin öz sahiblərinə qaytarılacağı bildirilib. Lakin bir şərtlə ki, avtomobil sahibləri maşınlarını ağ və ya açıq rənglərə boyayacaqlar.

Məlumata görə, qara yük avtomobilləri birbaşa parklardan evakuasiya olunur və yol polisinin cərimə meydançalarına gətirilir. Beləliklə, 2018-ci ilin yanvar ayından etibarən qara avtomobil istismarı qadağan edilib.

Yeni tələblər avtosalonlarda avtomobillərin rəng dəyişdirmə xidmətlərinin qiymətini ikiqat artırıb. Əgər əvvəllər avtomobilin rənglənməsi 500 dollara başa gəlirdisə, indi bu xidmət 1000 dollara başa gəlir.

Qeyd edək ki, 2015-ci ilin yanvar ayından etibarən Türkmənistana qara maşınların idxalına qadağa qoyulub. Həmin vaxt gömrük işçiləri qadağanın səbəbini açıqlaya bilməmişdi. Onlar suallara "Ağ rəngli avtomobil alınması vacibdir, çünki ağ rəng xoşbəxtlik gətirir"- deyə, cavab verirdilər.