გუშინ ე.წ მოდულის შენობაში პირადი ცხოვრების ამსახველი ფარული ფოტო და ვიდეოჩანაწერები განადგურდა.აღნიშნულ პროცესს შინაგან საქმეთა მინისტრი ირაკლი ღარიბაშვილი, იუსტიციის მინისტრი თეა წულუკიანი, მთავარი პროკურორი არჩილ კბილაშვილი და კომისიის სხვა წევრები ესწრებოდნენ.

ფარული ჩანაწერების განადგურების პროცესის დაწყების წინ ირაკლი ღარიბაშვილმა კომენტარი გააკეთა. მან აღნიშნა, რომ კომისიის წევრებში იყო ერთი წევრი კახი კახიშვილი, რომელიც ჩანაწერების გადაგურებას ეწინააღმდეგებოდა, თუმცა კომისიამ აღნიშნული გადაწყვეტილება მიიღო.

მისივე თქმით, სამეგრელოში ამოღებული ვიდეომასალა არ ნადგურდება, რადგან აღნიშნულ საკითხთან დაკავშირებით ძიება მიმდინარეობს. ფარული ჩანაწერების ამსახველი დისკები გამანადგურებელი აპარატის „შრედერის“ საშუალებით განადგურდა.

თუმცა ყველა დისკი არ განადგურებულა. 3 სექტემბერს „უკანონო მიყურადებისა და ფარული ჩანაწერების საკითხებზე მომუშავე დროებითი კომისიის“ სამუშაო ჯგუფის მიერ პირველ შეხვედრაზე 110 დისკიდან შერჩევითი პრინციპით მოხდა რამდენიმეს (სამის) ამორჩევა. შედგა შესაბამისი ოქმი, ზემოთაღნიშნული სამივე დისკი კი განადგურდა. დანარჩენი დისკები ისევ მოთავსდა კონტეინერში, დაილუქა და გამზადდა საჯარო განადგურებისათვის.