საქართველოს მუსულმანთა დეპარტამენტმა (სმდ) ტელეკომპანია "იმედზე" 22 ივლისს ბათუმის ბულვარზე მოკლული მარიამ კოჩალიძეს წმინდა რამაზანის თვესთან დაკავშირებით მსხვერპლშეწირვის შესახებ გავრცელებულ ინფორმაციასთან დაკავშირებით უკმაყოფილება გამოთქვა.
განაცხადში ნათქვამია, რომ ტელეკომპანია "იმედმა" რელიგიებში ამ და სხვა წესებისა და ტრადიციების არსებობა უნდა შეამოწმოს და ფაქტებს დაეყრდნოს: "ტელეკომპანიამ განაცხადა, რომ მკვლელმა სწორედ რამაზანის თვეში გადაწყვიტა მისი მსხვერპლად შეწირვა. ასეთმა დამოკიდებულებამ საზოგადოებაში ისლამის წინააღმდეგ საშიში და უსიამოვნო სტერეოტიპები შეიძლება შექმნას. სხვა რელიგიების მსგავსად, ისლამიც ადამიანის მსხვერპლშეწირვის და ადამიანებზე ყველანაირი ფორმით დანაშაულების წინააღმდეგია. ჩვენ, პირველ რიგში, დაზარალებულის ოჯახს მოზარდის მკვლელობასთან დაკავშირებით ვუსამძიმრებთ, მათ მწუხარებას ვიზიარებთ. ოჯახს ვთხოვთ, მოთმინება იქონიონ, გავრცელებულ ცრუ და დაუსაბუთებელ ინფორმაციას არ ენდონ. ამან საზოგადოებაში სხვადასხვა გართულებები შეიძლება გამოიწვიოს".
ორგანიზაციამ, ასევე აღნიშნა, რომ ტელეკომპანია "იმედმა" და სხვა მედიასაშუალებებმა ასეთი ინფორმაციების გავრცელებისას ოჯახის მდგომარეობა უნდა გაითვალისწინოს.
შეგახსენებთ, რომ საქართველოს შინაგან საქმეთა სამინისტროს ინფორმაციით ირანის მოქალაქეს მიერ მოჰამადინ როოინთანი 16 წლის მარიამ კოჩალიძის მკვლელობაშია ეჭვმითანილი.
შემთხვევა 22 ივლისს მოხდა. მოჰამადინ როოინთანი 23 ივნისს "სარფის" საბაჟო-საკონტროლო პუნქტის გავლით საქართველოს ტერიტორიაზე შემოვიდა.