ბათუმის ბულვარში, დღეს, 16 წლის გოგონას, მარიამ კოჩალიძის, ცხედარი აღმოაჩინეს. შსს-ში განაცხადეს, რომ საქმე განზრახ მკვლელობის მუხლით არის აღძრული. 

როგორც ცნობილია, გოგონა გუშინ გაუჩინარდა და ოჯახი მას, მთელი ღამის განმავლობაში ეძებდა.

შსს განცხადებას ავრცელებს, რომელსაც უცვლელად გთავაზობთ:

"დანაშაულის სავარაუდო ჩამდენმა პირმა გუშინ საღამოს 7 – 7.30 საათზე ახალი ბულვარის ბოლოდან დაახლოებით 100 მეტრის მოშორებით გააჩერა მუქი ფერის ტაქსი და დანაშაულის ადგილიდან მიიმალა.

სავარაუდო მკვლელის აღწერილობა: მამაკაცი არის 40-45 წლის, სიმაღლე 180-185 სმ, საშუალოზე ოდნავ სუსტი, საშუალო სიგრძის შავი სწორი თმები, შავი წარბები, შავი წვრილი თვალები, თავისა და სახის წაგრძელებული ფორმა, სწორი და მოგრძო ცხვირი, თხელი ტუჩები, მომრგვალებული,ოდნავ წინ წამოწეული ნიკაპი, მუქი ხორბლისფერი კანი, საუბრობს დამტვრეული ქართულით, ხშირად მუნჯის იმიტაციას აკეთებს.

ტანთ ეცვა შავი ფერის მოკლესახელოებიანი მაისური, ზევიდან სტაფილოსფერი უმკვლავო საწვიმარი, ლურჯი ან შავი ვიწრო ჯინსის შარვალი, ატარებს შავი ფერის სათვალეს, თან დააქვს შავი ფერის ზურგჩანთა და ყავისფერი ხელჩანთა. 

შინაგან საქმეთა სამინისტრო აღნიშნული ტაქსის მძღოლს მოუწოდებს დაუყონებლივ გაუწიოს დახმარება გამოძიებას და გამოცხადდეს შინაგან სსაქმეთა სამინისტროს  ჭარის მთავარ სამმართველოში,”- ნათქვამია შსს-ს განცხადებაში.