აზერბაიჯანში შესაძლოა, 1 მანათიანი კუპიურების მაგივრად ამავე ღირებულების რკინის ფული გამოვიდეს.
აზერბაიჯანის ცენტრალური ბანკი (აცბ) 2003 წლიდან მუშაობს ამ საკითხზე. ამჟამად საკითხის რამდენიმე გადამწყვეტი დეტალი ზუსტდება.
დეპარტამენტის დირექტორმა რამდენიმე ქვენის გამოცდილების მაგალითზე აღნიშნა, რომ ბრუნვაში პარალელურად ერთი და იგივე ღირებულების კუპიურასა და მონეტის ყოფნისას ფსიქოლოგიური ფაქტორებიდან გამომდინარე, ფულის ლითონის ანალოგზე მოთხოვნა არ არის: "ეს უკვე რამდენიმე ქვეყნის გამოცდილებამ აჩვენა - მოსახლეობა ამ ფულს არ იღებს. ადამიანები თვლიან, რომ ისინი რკინის ფულით ფულის გრძნობას კარგავენ, მაგრამ როცა ჯიბეში კუპიურები უდევთ, საკუთარ თავში უფრო დარწმუნებულები არიან. აგრეთვე რკინის ფული ლოგისტიკურ პრობლემებს ქმნის, ანუ მათი შეგროვების, ტარების, გადახდის პრობლემები იქმნება".
მანსიმოვმა ევროპის გამოცდილებიდან გამომდინარე კიდევ ერთ მნიშვნელოვან პრობლემაზე ისაუბრა: "მაგალითად, ევროპაში ბრუნვაში 1 და 2 ევროს ღირებულების მონეტები არსებობს, და მთავარი პრობლემა ყალბ ფულთანაა დაკავშირებული. ევროპის ბანკი უკვე დიდი ხანია 2 ევროს ღირებულების კუპიურის გამოშვებაზე ფიქრობს. ჩვენთან კი მოსახლეობა ამ ფულს არ აკონტროლებს. და ისინი ცენტრალურ ბანკში არ ბრუნდება. კუპიურები ბანკში ბრუნდება და თვლის დროს სიყალბის შემჩნევა შესაძლებელი ხდება. ბრუნვაში კი ძალიან ბევრი ყალბი რკინის ფულია და მათი რიცხვი იზრდება".
"აზერბაიჯანში ყველაზე მნიშვნელოვანი პრობლემა შეიძლება სოციალურ გადასახადებთან იყოს დაკავშირებული. თუ 1 მანათი რკინის ფულად გადაიქცევა, მაშინ პენსიონერები და სოციალური დახმარების მიმღებები ბანკომატიდან 4 მანათამდე თანხას ვერ ამოიღებენ", - განაცხადა აცბ-ის ოფიციალურმა პირმა.