"რუსტამ იბრაჰიმბეოვი კარგი ადამიანია, თუმცა ჩვენ მას კი არა, ილჰამ ალიევს დავუჭერთ მხარს".
ეს აზრები საქართველოს პარლამენტის დეპუტატმა აზერ სულეიმანოვმა გამოთქვა.
სულეიმანოვმა, რომელმაც განაცხადა, რომ აზერბაიჯანის ოპოზიციის არჩევნების წინ შექმნილ ეროვნულ საბჭოს მხარს არ უჭერს და ამ საქმის უკან რუსეთში მცხოვრები აზერბაიჯანი ბიზნესმენი, "აზერროსის" ყოფილი პრეზიდენტი სოიუნ სადიკოვი დგას.
მისი თქმით, სოიუნ სადიკოვი საქართველოს აზერბაიჯანელების "შავ სია"-შია. დეპუტატმა ეროვნული საბჭოს წინააღმდეგ აგრეთვე სერიოზული ბრალდებები გაავრცელა.
"საქართველოში მცხოვრები თანამემამულენი საქართველოს ახლანდელ ხელისუფლებას უჭერენ მხარს. საქართველოს აზერბაიჯანელები ასეთ ორგანიზაციას არ ცნობენ. არავის აქვს უფლება, ჩვენი სახელით ილაპარაკოს. ყველა რუსეთის ფულზე ორიენტირებული, რუსეთის ინტერესების მსახურია. სოიუნ სადიკოვის ხელმძღვანელობით ეს ადამიანები საკუთარი ინტერესებიდან გამომდინარე მოქმედებენ. მიუხედავად იმისა, რომ სოიუნ სადიკოვს მილიონები აქვს, საქართველოში მცხოვრები თანამემამულენისთვის არაფერი არ გაუკეთებია. ჩვენ აზერბაიჯანის ხელისუფლებას ვუჭერთ მხარს. ჩვენი სახელით ნურავინ ნუ სპეკულირებს", - განაცხადა სულეიმანოვმა.
საქართველოს პარლამენტის წევრმა შემდეგ ცნობილი კინოდრამატურგის რუსტამ იბრაჰიმბეოვის საპრეზიდენტო კანდიდატურაზე ისაუბრა. დეპუტატმა განაცხადა, რომ იბრაჰიმბეოვი კარგი ადამიანია, მაგრამ მის პოლიტიკურ კურსს მხარს არ უჭერს:
"იბრაჰიმბეოვი მოსკოვში მცხოვრები ინტელექტუალია. ჩვენ მასზე ცუდს ვერ ვიტყვით. თუმცა მისგან არაფერი არ გვინახავს. მან თავისი კანდიდატურა რომც წამოიყენოს, ჩვენ ილჰამ ალიევს დავუჭერთ მხარს. მის ორგანიზაციას, "აზერროსს" ან რაღაცას არ ვიცნობთ. რადგანაც ეს ადამიანები რუსეთის ინტერესებს ემსახურებიან, ჩვენ არც მათ ორგანიზაციებს, არც კანდიდატურას არ მივიღებთ".