ამის მიზეზი ბაზრებში მომუშავე და სახელმწიფოსთვის არანაირი გადასახადების არ გადამხდელი მიგრანტების აღმოჩენაა. "ცოტა ხნის წინ რუსეთის მიგრაციის კომიტეტმა გაავრცელა ინფორმაცია, რომ ქვეყანაში 3 მილიონზე მეტი უკანონო მიგრანტი მუშაობს. იმის გამო, რომ მათ რეგისტრაცია არ აქვთ გავლილი, მათი ოფიციალურად გაკონტროლება შეუძლებელია. ამ მრავალმილიონიან მიგრანტებს შორის ბევრი აზერბაიჯანელია".
თეიუბ ჰასანოვის თქმით, გარდა ამისა, ცნობილია იმ ბაზრების სია, რომლებიც წლის ბოლომდე უნდა დახურონ. ამ ბაზრებში მომუშავე აზერბაიჯანელებმა უკვე სხვა ბაზრებში ეძებენ სამუშაო ადგილებს.
მან აგრეთვე წარადგინა ამ ბაზრების სიაც. ესენია "კოლომენსკაია იარმარკა", "კონკოვო", "ლეფორტოვსკი", "მარინო", "ტიოპლი სტან", "ვლოკოლომსკ", "არკადა", "აფგანეც", "იარმარკა ლიუბლინო", "ტეკსტილშიკი", "ვიხინო", "პერსვეტ", "ტიმირიაზევსკი", "პეტროვსკი-რაზუმოვსკი", "ტუშინსკი" და "რიჟსკი".
მისი თქმით, ამ ბაზრებში ათასობით აზერბაიჯანელი მუშაობს.

აზერბაიჯანში კიდევ ერთმა მშობელმა საკუთარი შვილი უარყო და ქუჩაში გააგდო.
აზერბაიჯანის ბავშვთა კავშირის თავმჯდომარეს ქამალა აღაზადეს ინფორმაციით, შემთხვევა შამახის რაიონში მოხდა: "უარყოფილი გოგონა შამახის რაიონის მკვიდრია. იგი 17 წლისაა. ინციდენტის მიზეზი საოჯახო კონფლიქტია. გოგონას ორივე მშობელი მეორედაა დაქორწინებული. გოგო მამასთან დარჩა. თუმცა ოჯახის მხრიდან ფიზიკური ძალადობის გამო სახლიდან გაიქცა".
აღაზადემ განაცხადა, რომ გოგონას სახლიდან გაქცევის გამო მამამ შვილის მიმართ მკაცრი გადაწყვეტილება მიიღო: "ამის შემდეგ მამამ ქალიშვილს არ უპატრონა. მამამ ოფიციალურად განაცხადა უარი გოგონაზე. საქმეში პოლიცია ჩაერია. 17 წლის გოგონა გუშინ, დოკუმენტებთან ერთად, მე მივიღე".

ბაზარი განადგურდა, აზერბაიჯანელებს სცემენ.
მოსკოვში აზერბაიჯანელების მასობრივი ვაჭრობის ადგილს, "მოსკოვრეტსკის" ბაზარს ომონი დაესხა თავს. ამის შესახებ მოსკოვის ბაზარში მომუშავე აზერბაიჯანელებმა განაცხადეს. ომონმა, რომელმაც სავაჭრო კიოსკები დაანგრია, მომიტინგე აზერბაიჯანელების მიმართ ძალა გამოიყენა.
სპეცრაზმმა ამავე დროს ბაზარში საპასპორტო რეჟიმის გადამოწმება დაიწყეს. ბევრი აზერბაიჯანელი დააკავეს. ეს თავდასხმა მოსკოვის მერის მოვალეობის შემსრულებელის სობიანის ბრძანებით ხორციელდება.
ამჟამად "მოსკოვრეტსკის" ბაზარში სავაჭრო პალატკებს ანგრევენ, ჯიხურებს ანადგურებენ...
ამასთან დაკავშირებით დეტალურ ინფორმაციას მოგვიანებით მოგაწვდით.

დასავლეთ საქართველოში მდებარე მანგანუმის წარმოების მინი-ქარხანაში კვირა დღეს დილით სამი აფეთქება მოხდა. მინი-ქარხანა ზესტაფონის რაიონის სოფელ ქვედა არქვეთში მდებარეობს (იმერეთის რეგიონი).
აფეთქებების შედეგად მსხვერპლი არ არის, თუმცა ქარხნის შენობას დიდი ზიანი მიადგა. აფეთქებების მიზეზი ჯერჯერობით უცნობია.
შემთხვევის ადგილზე კრიმინალისტები და ფორტიფიკატორები მუშაობენ.
ადგილობრივი მოსახლეობის თქმით, იმის გამო, რომ ქარხანა დასახლებულ პუნქტთან ახლოს მდებარეობს, სოფელში აფეთქება ძლიერად იგრძნობოდა.

ბარდაში საგზაო შემთხვევა მოხდა. რაიონის სოფელ მირზალიბეილის ტერიტორიაზე მომხდარ შემთხვევაში 2 მსუბუქი მანქანა დაეჯახა ერთმანეთს.
შემთხვევისას ორივე მანქანის მძღოლებმა და მგზავრებმა სხვადასხვა ხარისხის დაზიანებები მიიღეს. დაშავებულები სასწრაფო დახმარების მეშვეობით რაიონის ცენტრალური საავადმყოფოს ტრავმატოლოგიის განყოფილებაში მოათავსეს. სამივე დაშავებულის მდგომარეობა საშუალოდ მძიმეა. შემთხვევის მიზეზებს რაიონის პოლიციის განყოფილება იძიებს.