Dalga Televiziyasi Rusiyalı ekspert: "TANAP üçün şərtlər Rusiyanın "Şimal" və "Cənub" axınlarının şərtlərindən daha yaxşıdır"
Get Adobe Flash player

Socar Georgia Gas

 

BAKI - TBİLİSİ

Multikulturalizm

Tərəfdaşlar

Ziyarətçi sayğacı

Bu günBu gün637
DünənDünən2632
Bu həftəBu həftə637
Bu ayBu ay80926
Bu günə qədərBu günə qədər2613941

Bizi Paylaşın

Video Xəbərlər

 

Təqvim


Rusiyalı ekspert: "TANAP üçün şərtlər Rusiyanın "Şimal" və "Cənub" axınlarının şərtlərindən daha yaxşıdır"

"TANAP layihəsi çox uğurludur. O, Azərbaycanın maliyyə imkanlarının genişləndirməsinə imkan verəcək".

Bunu rusiyalı ekspert Darya Qrevtsova Trans-Anadolu qaz kəmərinin (TANAP) iyunun 12-də istismara verilməsinin planlaşdırılmasını şərh edərkən deyib.

Onun sözlərinə görə, TANAP ölkənin gəlirlərini artırmasına imkan verəcək: "Bu məhsulun məhz Avropa İttifaqı (Aİ) ölkələrinin bazarına çatdırılması tam təbiidir. Çünki Avrozona çoxsaylı iqtisadi fəal insanlara, çox inkişaf etmiş iqtisadiyyata və enerji resurslarına böyük tələbat deməkdir".

D.Qrevtsova Rusiyanın enerji resurslarını Aİ bazarına çıxarmaqda çox maraqlı olduğunu qeyd edib: "Məlum olduğu kimi, hazırda Rusiya "Şimal axını"nın ikinci xəttini, "Türk axını"nı inşa edir, "Drujba" neft kəməri ilə neft təchiz edir, bununla belə, Azərbaycanı böyük iqtisadi qələbə münasibətilə təbrik etmək lazımdır. Bu, Rusiyanın maraqları ilə necə bağlıdır? Əlbəttə ki, Azərbaycan qazı Rusiya qazı ilə rəqabət aparır, lakin Azərbaycan və Rusiya müdrikcəsinə davranır. Avropa İttifaqı Azərbaycan və Rusiyanın sərt rəqabət aparmasını və iki ölkədən Avropa dövlətlərinə təchiz edilən enerji resurslarının qiymətlərinin azalmasını istərdi. Amma Rusiya və Azərbaycan resurslarının çatdırılmasının sərt rəqabətə səbəb olmaması üçün siyasətini razılaşdırır, qiymətlərin azalmasına imkan vermir. Məhz elə bu səbəbdən Rusiya və Azərbaycanın əməkdaşlıq etməsi vacibdir. İdeal halda bu iki enerji nəhəngi qiymətləri razılaşdırmalı, şirkətlərinin və büdcələrinin daha çox qazanması üçün enerji resurslarının çatdırılma qiymətlərini maksimuma qaldırmalıdır".

Rusiyalı ekspert həmçinin bildirib ki, TANAP üçün şərtlər Rusiyanın "Şimal" və "Cənub" axınlarının şərtlərindən daha yaxşıdır, çünki Aİ ölkələri Azərbaycanı geosiyasi təhdid hesab etmir: "Məhz bu səbəbdən Rusiyaya qarşı Avropanın enerji paketini tətbiq etməyə çox çalışır. Azərbaycan üçün isə istisna edilib və bu, şübhəsiz, Azərbaycan Prezidenti İlham Əliyevin bacarıqlı diplomatik siyasətinin təzahürüdür".

alt

Qeyd edək ki, TANAP Azərbaycanın Xəzər dənizindəki "Şahdəniz" yatağının işlənməsinin ikinci mərhələsi çərçivəsində hasil olunacaq qazın Türkiyəyə, buradan isə Avropaya nəqlini nəzərdə tutan boru kəməridir. Cənub Qaz Dəhlizi layihəsinin bir qolu olan TANAP Türkiyə ərazisində inşa olunur. Kəmər Türkiyə-Yunanıstan sərhədindən Azərbaycan qazının Avropaya nəqlini nəzərdə tutan Trans-Adriatik Boru Kəməri (TAP) ilə birləşəcək.

TANAP-ın təməli 2015-ci il martın 17-də Türkiyənin Qars şəhərində Azərbaycan, Türkiyə və Gürcüstan prezidentlərinin iştirakı ilə qoyulub. Boru kəmərinin ilkin buraxılış gücü ildə 16 mlrd. kubmetr olacaq. Bu həcmin 6 mlrd. kubmetri Türkiyəyə, qalan 10 mlrd. kubmetri isə Avropaya nəql ediləcək. TANAP kəmərinin Türkiyədə Əskişəhər və Trakyada iki çıxış nöqtəsi olacaq. Türkiyədə qazın satışını BOTAŞ şirkəti həyata keçirəcək. Boru kəmərinin ümumi uzunluğu 1 850 km-dir.

Boru kəmərinin Faza-0 adlandırılan Gürcüstan-Türkiyə sərhədi-Əskişəhər hissəsinin diametri 56 düym, uzunluğu 1340 km təşkil edir. Bu ilin yayında Türkiyəyə qaz bu çıxış nöqtəsindən veriləcək.

Avropaya qaz veriləcək Faza-1 adlandırılan hissənin (Əskişəhərdən Avropaya qədər olan hissə) isə diametri 48 düym, uzunluğu 476 km-dir. Faza-1 2019-cu ilin sonunda Avropa üçün qazı qəbul etməyə hazır olacaq.

Saytda Axtarış

ახალი ამბები