საქართველოს საგარეო საქმეთა სამინისტრომ 27 ოქტომბერს ჩატარებულ საპრეზიდენტო არჩევნებთან დაკავშირებით ქვეყანაში დამკვირვებლების გამოგზავნის მიზნით საერთაშორისო ორგანიზაციებს და სხვადასხვა ქვეყნებს მოსაწვევები გაუგზავნა. სამინისტროს მხრიდან ივლისში დემოკრატიული ინსტიტუტებსა და ადამიანთა უფლებებს, ეუთოს პარლამენტის ასამბლეას, ევროსაბჭოს, ევროსაბჭოს საპარლამენტო ასამბლეას, ნატოს საპარლამენტო ასამბლეას, ევროპის პარლამენტს, სუამის საპარლამენტო ასამბლეას, BSEC-ს და არაბთა ლიგის საპარლამენტო ასამბლეის ბიუროს მოსაწვევები იქნა გაგზავნილი.
საქართველოს საგარეო საქმეთა სამინისტრომ აგრეთვე ევროკავშირის, ნატოს, სუამის და სხვა პარტნიორ ქვეყნებს, ამავდროულად ეროვნული დემოკრატიული ინსტიტუტის (ედი), საერთაშორისო რესპუბლიკელების ინსტიტუტს (სრი) და საერთაშორისო არასამთავრობო ორგანიზაციების მიერ აღიარებული აშშ-ის ჰელსინკის კომისიას მიმართა.
"საქართველომ გაგზავნილ წერილებში არჩევნების მაღალ დონეზე გამჭვირვალე, თავისუფალი და სამართლიანი, საერთაშორისო სტანდარტებთან შესაბამისი და საერთაშორისო დამკვირვებელთა ეფექტური საქმიანობისთვის მზადყოფნა აღნიშნა", - ნათქვამია საგარეო საქმეთა სამინისტროს დღევანდელ განცხადებაში.