დღეს აზერბაიჯანის ქალაქ გაბალაში თურქულენოვანი ქვეყნების თანამშრომლობის საბჭოს III უზენაესი სამიტი დაიწყო.
უზენაეს სამიტზე აზერბაიჯანის, თურქეთის, ყაზახეთის და ყირგიზეთის პრეზიდენტები ილჰამ ალიევი, აბდულა გიული, ნურსულტან ნაზარბაევი და ალმაზბექ ათამბაევი მიიღეს მონაწილეობა.
უზენაეს სამიტზე ძირითადი განხილვის თემები ტრანსპორტირების სფეროში თანამშრომლობა და საბაჟო პროცედურების გამარტივება უნდა იყოს.
დაგეგმილი ღონისძიებების ფარგლებში დაჯგუფების წევრი ქვეყნებს შორის თანამშრომლობის მომავალი განვითარების საკითხები განიხილება.
აგრეთვე სამიტის ფარგლებში ყირგიზეთის საბჭოს ხელმძღვანელობის აზერბაიჯანისთვის გადაცემა იგეგმება.
შეგახსენებთ, რომ გუშინ გაბალაში თურქულენოვანი ქვეყნების თანამშრომლობის საბჭომ საგარეო საქმეთა მინისტრების საბჭოს სხდომაც ჩაატარა. სხდომის სამიტის ბოლოს 4 ქვეყნის საგარეო საქმეთა მინისტრთა შორის თანამშრომლობის პროტოკოლი გაფორმდა.
აღსანიშნავია, რომ საბჭო 2009 წელს აზერბაიჯანის, ყაზახეთის, ყირგიზეთის და თურქეთის მიერ ევრაზიაში მშვიდობისა და სტაბილურობის ხელის შეწყობის მიზნით შეიქმნა.
ჯგუფის სამდივნო სტამბოლში მდებარეობს.