იტალიის პრემიერ-მინისტრს ენრიკო ლეტას 11 აგვისტოს აზერბაიჯანში ვიზიტი დაიწყო.
ვიზიტის დროს ლეტა აზერბაიჯანის პრეზიდენტს ილჰამ ალიევს შეხვდება.
შეხვედრაზე ძირითადად ორ ქვეყანას შორის ურთიერთობები და გაზსადენ TAP-თან დაკავშირებით საკითხები განიხილება.
აღსანიშნავია, რომ აზერბაიჯანმა პროექტ "შაჰდენიზ-2" ფარგლებში წარმოებული ბუნებრივი აირის ევროპაში მიწოდებისთვის მილსადენის არჩევასთან დაკავშირებით მიღებული გადაწყვეტილება 28 ივნისს ოფიციალურად გაავრცელა. "შაჰდენიზის" კონსორციუმი ბოლო ორი წლის განმავლობაში ევროპაში გაზის ტრანსპორტირებისთვის მილსადენის რამდენიმე ასარჩევი ვარიანტი განიხილა და TAP (Trans Adriatic Pipeline)-ზე შეჩერდა. 870 კმ სიგრძის მქონე TAP სადენი აზერბაიჯანის გაზს თურქეთის, საბერძნეთის და ალბანეთის ტერიტორიით იტალიას მიუწოდებს. პროექტის საერთო ღირებულება დაახლოებით 2.2 მლრდ. აშშ დოლარს შეადგენს.
TAP პროექტის ძირითადი წყარო "შაჰდენიზის" მეორე ფაზის ფარგლებში წარმოებული გაზია. პროგნოზების მიხედვით, მეორე ფაზაზე წარმოება 2016 წელს დაიწყება და TAP სადენის მშენებლობას 3 წელი დასჭირდება. პირველ ეტაპზე გაზსადენით წელიწადში 10 მლრდ. კუბური მეტრი ბუნებრივი აირი ევროპას მიეწოდება, შემდეგ კი ეს მოცულობა 20 მლრდ. კუბურ მეტრამდე გაიზრდება.
ამჟამად პროექტს 3 აქციონერი ჰყავს, ესენია კომპანიები "EGL", "Statoil" და "E.ON Ruhrgas".

şirkətləridir.