"აზერბაიჯანის პროექტ TAP-ის არჩევა იტალიისა და ევროპის დიდი ნაწილისთვის ძალიან მნიშვნელოვანია".
ეს იტალიის პრემიერ-მინისტრმა ენრიკო ლეტამ 11 აგვისტოს ბაქოში აზერბაიჯანის პრეზიდენტთან ილჰამ ალიევთან შეხვედრაზე განაცხადა.
პრემიერ-მინისტრმა აღნიშნა, რომ აზერბაიჯანსა და იტალიას ენერგეტიკულ და სხვა სფეროებში ძლიერი თანამშრომლობა აკავშირებთ.
მან აზერბაიჯანის გაზის ევროპასა და იტალიაში მიწოდების გამათვალისწინებელი პროექტ TAP-ის არჩევისთვის ბაქოს მადლობა გადაუხადა.
"ჩვენ მხოლოდ ენერგეტიკულ სფეროში თანამშრომლობა არ გვაკავშირებს, თუმცა ჩვენ ეკონომიკური და პოლიტიკური ურთიერთობების უფრო გასაძლიერებლად ამ პარტნიორობით სარგებლობაც შეგვიძლია", - განაცხადა პრემიერ-მინისტრმა.
ლეტამ განაცხადა, რომ ორმხრივი ეკონომიკური ურთიერთობების კიდევ უფრო გაძლიერების მიზნით წელს ნოემბრის დასაწყისში იტალიიდან აზერბაიჯანში წარმომადგენელთა დელეგაცია ჩამოვა.
აზერბაიჯანის პრეზიდენტმა ილჰამ ალიევმაც ამ ორ ქვეყანას შორის ორმხრივი ურთიერთობების დონე უმაღლესად შეაფასა: "ჩვენი ქვეყნებს შორის ახლო პარტნიორობა არსებობს და იმედი მაქვს, რომ ჩვენი ურთიერთობები ახლო მომავალში კიდევ უფრო განვითარდება".