ცენტრალური საარჩევნო კომისიის (ცესკო) დღეს ჩატარებულ სხდომაზე ახალი აზერბაიჯანის (ააპ) მიერ ილჰამ ალიევის პრეზიდენტობის კანდიდატის წამოყენების დამტკიცების საკითხი განიხილეს.
ცესკოს თავმჯდომარეს მაზაჰირ პანაჰოვის ხელმძღვანელობით ჩატარებულ სხდომაზე ილჰამ ჰეიდარ ოღლი ალიევის კანდიდატურის წამოყენება ხმის მიცემით ოფიციალურად დამტკიცდა.
აღსანიშნავია, რომ 6 პრეზიდენტობის კანდიდატმა საარჩევნო საბუთები ცესკოს წარუდგინა. ესენი არიან: ახალი აზერბაიჯანის პარტიის (ააპ) თავმჯდომარე, აზერბაიჯანის პრეზიდენტი ილჰამ ალიევი, თავისუფალი პარტიის თავმჯდომარე ახმედ ორუჯი, მოქალაქეობისა და განვითარების პარტიის თავმჯდომარე ალი ალიევი, აზერბაიჯანის ლიბერალური დემოკრატიული პარტიის თავმჯდომარე ფუად ალიევი, საკუთარი ინიციატივით კანდიდატურის წამომყენებელი იურისტი ილგარ მამედოვი (ილგარ ალთაი) და იმედის პარტიის თავმჯდომარე დეპუტატი იგბალ აღაზადე.
შეგახსენებთ, რომ აზერბაიჯანის რესპუბლიკის პრეზიდენტობის კანდიდატების წამოყენების პროცესს სტარტი მიეცა.
საარჩევნო კოდექსის მიხედვით, პრეზიდენტობის კანდიდატების წამოყენება აქტიური (პასიური) საარჩევნო უფლებების მქონე მოქალაქეებს, ამომრჩევლების საინიციატივო ჯგუფებს, პოლიტიკურ პარტიებს, პოლიტიკური პარტიების ბლოკებს შეუძლიათ.
ცესკომ საპრეზიდენტო არჩევნების 9 ოქტომბერს ჩატარების გადაწყვეტილება მიიღო.
ბოლო საპრეზიდენტო არჩევნები 2008 წლის 15 ოქტომბერს ჩატარდა. აზერბაიჯანში საპრეზიდენტო არჩევნები ხუთ წელიწადში ერთხელ ტარდება.