Lənkəranda yol qəzası baş verib. APA-nın cənub bürosunun məlumatına görə, rayonun Şağlaküçə kəndində iki "VAZ 2107" markalı avtomobilin toqquşması nəticəsində bir nəfərin  öldüyü, 4 nəfərin xəsarət aldığı bildirilir.

Avtomobillərdən birinin sürücüsü Şahbazov Əbültalıb Xalıq oğlu xəstəxanaya aparılarkən vəfat edib.

Digər avtomobilin sürücüsü, Lənkəranın Qurumba kənd sakini Əmirov Fərid Elxan oğlu, Lerikin Şingədulan kənd sakini, 1986-cı il təvəllüdlü Bəndiyev Vaqif Mirağa oğlu, Şovu kənd sakinləri - 1961-ci il təvəllüdlü Şəfiyeva Vəciyyə Həsən qızı, onun qızı Şəfiyeva Əminə Əbülfəz qızı və gəlini 1987-ci il təvəllüdlü Şəfiyeva Ramilə Ağaman qızı müxtəlif dərəcəli bədən xəsarətləri alıblar. 

Xəsarət alanlar Lənkəran Rayon Mərkəzi Xəstəxanasına çatdırılıb.