AVRO-2016-nın seçmə mərhələsinə yekun vurulub.

"Dalğa TV"nin məlumatına görə, Azərbaycan yığması turnirdə son matçına çıxıb.

Milli komandamız seçmə mərhələnin yekun qarşılaşmasında Bolqarıstanın qonağı olub. Hər iki komanda üçün formal xarakter daşıyan oyun yalnız qrupdakı turnir cədvəli baxımından əhəmiyyətli idi ki, yığma komandamız qalib gələcəyi halda qrupda 4-cü pillədə qərarlaşacaqdı.

Ancaq gözlənilənlərin əksinə olaraq millilərimiz matçdan məğlub ayırılıblar. Robert Prosineçkinin yetirmələri Bolqarıstana 2 top fərqi ilə yeniliblər.

AVRO-2016-nın seçmə mərhələsi
H qrupu

Bolqarıstan - Azərbaycan - 2:0
Qol: Aleksandrov, 20, Rangelov, 56

Baş hakim: Tamaş Boqnar
Sofiya. Vasil Levski stadionu