Gürcüstan prezidentliyinə namizəd, Gürcüstan parlamentinin sabiq sədri Nino Burcanadze azərbaycanlıların yığcam yaşadıqları Kvemo Kartli-Borçalı bölgəsinin Qardabani rayonundakı ən böyük yaşayış məskənlərindən olan Kosalı kəndində yerli əhali ilə görüşmüşdür.
N.Burcanadze kəndin azərbaycanlı sakinlərini müqəddəs Ramazan münasibətilə təbrik etmişdir.
Görüşdə kənddəki mövcud problemlər prezidentliyə namizədin diqqətinə çatdırılmışdır. Sakinlər həyətyanı təsərrüfatlarında yetişdirdikləri məhsulları Tbilisi şəhərinin bazarlarına apara bilmədiklərini, kəndə məxsus torpaqların kənar şəxslərə verildiyini, otlaq sahələrinin olmadığını, iş yerlərinin azlığını və digər problemləri qeyd etmişlər.