"Rüstəm İbrahimbəyov Tiflisdə daha bir gün qala bilər" 

Rüstəm İbrahimbəyovla görüşmək üçün dünəndən Gürcüstanın paytaxtı Tiflisdə səfərdə olan Milli Şura üzvləri bu gün Bakıya qayıdacaq. 

Bu barədə Milli Şura üzvü, politoloq Zəfər Quliyev məlumat verib. O bildirib ki, Azərbaycandan Tiflisə gedən heyət bir saata kimi qaldıqları “Vere Palace” otelini boşaldacaq. Z.Quliyevin sözlərinə görə, bununla belə, Rüstəm İbrahimbəyov Tiflisdə daha bir gün qala bilər: “Bu gün burada bir neçə görüş planlaşdırıb. Yəqin ki, nəzərdə tutulan görüşlər keçirilməlidir. Ona görə də Rüstəm müəllimin Moskvaya qayıdışı bir az ləngiyə bilər. Yəni ola bilər ki, o, oteli sabah tərk etsin”.