ეუთოს დემოკრატიული ინსტიტუტებისა და ადამიანის უფლებათა ბიუროს აზერბაიჯანში საპრეზიდენტო არჩევნების სადამკვირვებლო მისიას იტალიელი ტანა დე ზულუეტა უხელმძღვანელებს.
ეუთოს პრესსამსახურის ინფორმაციით, ტანა დე ზულუეტა ბაქოში ჩამოვიდა და ხვალ სადამკვირვებლო მისიის საქმიანობის შესახებ პრესკონფერენციას ჩაატარებს.
ტანა დე ზულუეტა იტალიელი ჟურნალისტია, ის პარლამენტის წევრი და იტალიის სენატის ადამიანის უფლებების კომიტეტის ერთ-ერთი პირველი წევრი იყო.
შეგახსენებთ, რომ ეუთოს დიაუბის გრძელვადიანი სადამკვირვებლო მისია ამ კვირაში დაიწყო.