"ეგვიპტეში ჯერჯერობით შედარებითი სტაბილურობაა, მაგრამ იმას ვერ ვიტყვით, რომ ქვეყანაში სრული პოლიტიკური სტაბილურობაა მიღწეული".
ამის შესახებ აზერბაიჯანის ელჩმა ეგვიპტეში შაჰინ აბდულაევმა განაცხადა.
აზერბაიჯანის მოქალაქეების ქვეყნის დატოვებასთან დაკავშირებით მიმართვის შესახებ მოსაუბრე აბდულაევმა გაიხსენა, რომ აზერბაიჯანელების უმრავლესობა უკვე ევაკუირებულია, თუმცა მათი ნაწილი ჯერჯერობით ეგვიპტეში რჩება: "დარჩენილებიც ქვეყნის დატოვებას ცდილობენ. არიან ისეთებიც, დღეს ერთს ამბობენ, ხვალ მეორეს. სამწუხაროდ, ასეთი ადამიანებიც არსებობს. როცა თვითმფრინავი ჩამოვიდა, ყველას ვუთხარით, ყველა დავპატიჟეთ. ნაწილმა საფრთხე იგრძნო და ქვეყანაში დაბრუნდა, ზოგი კი გარკვეული მიზეზების გამო ქვეყანაში დარჩა. ყოველ შემთხვევაში, ჩვენ ყველას მოვუწოდებთ, რომ აზერბაიჯანში დაბრუნდნენ. მიუხედავად იმისა, რომ ახლა კონკრეტული საფრთხე არ არსებობს, სიტუაციას ვაკონტროლებთ. თუ ქვეყანაში სიტუაცია დაიძაბება, შესაბამის ნაბიჯებს გადავდგამთ".