სირიის ოპოზიციამ 20 აგვისტოს სამთავრობო ძალების ქიმიური იარაღის გამოყენების შედეგად სულ მცირე 635 ადამიანის დაღუპვაში პრეზიდენტი ბაშარ ასადი დაადანაშაულეს.
ოპოზიცია აცხადებს, რომ თავდასხმის შედეგად 100-ზე მეტი ადამიანი დაშავდა.
სააგენტო "Reuters"-მა ცოტა ხნის წინ ინფორმაცია გაავრცელა, რომ ქიმიური იარაღის გამოყენების შედეგად მინიმუმ 213 ადამიანი დაიღუპა. სააგენტომ ეს ინფორმაცია ქალაქ დუმას სამედიცინო ცენტრში მომუშავე მედდის ბაიან ბაკერის სიტყვებზე დაყრდნობით გაავრცელა.
სირიის მთავრობა კი შეიარაღებულთა წინააღმდეგ ქიმიური იარაღის გამოყენების ბრალდებას უარყოფს. ხელისუფლების წარმომადგენელმა განაცხადა, რომ მათ ამ ყველაფერში განზრახ ადანაშაულებენ.