თურქეთის პრემიერ-მინისტრი რეჯებ თაიბ ერდოღანი მსოფლიოს უდიდესი 20 ქვეყნის 5-9 სექტემბერს ჩატარებულ უზენაეს სამიტს დაესწრება.
უზენაესი სამიტი ქალაქ სანქტ-პეტერბურგში ჩატარდება. მთავრობათაშორისი საკითხების და ეკონომიკური თემების განხილვის შეხვედრა დიდ მნიშვნელობას ატარებს. შეხვედრაზე ერდოღანის გარდა აშშ-ის პრეზიდენტის ბარაკ ობამას და ვლადიმერ პუტინის შეხვედრაც მოსალოდნელია. სამიტის ფარგლებში განხილვის ერთ-ერთი ძირითადი თემა სირიის საკითხი იქნება.
თურქეთის პრემიერ-მინისტრი რეჯებ თაიბ ერდოღანი 6 სექტემბერს სანქტ-პეტერბურგიდან არგენტინის დედაქალაქ ბუენოს-აირესში ჩავა. ერდოღანი ბუენოს-აირესში 2020 წლის ოლიმპიური თამაშების მასპინძელი ქალაქის სახელის გამოქვეყნების კონფერენციას დაესწრება. საერთაშორისო ოლიმპიური კომიტეტი 7 სექტემბერს იმ ქალაქის სახელს გამოაცხადებს. 8 სექტემბერს კი ერდოღანი თურქეთში დაბრუნდება.