"თურქული სამყარო ყველა ქვეყანაში მნიშვნელოვან ადგილს იკავებს. ეს ქვეყნები საერთო ისტორიით და კულტურით არიან შეკრულნი. ჩვენ მხოლოდ საერთო ენა, ისტორია და კულტურა არ გვაკავშირებს, აგრეთვე ჩვენი თურქული სამყაროს მომავლის გაძლიერების სურვილი გვამოძრავებს". ეს გაბალაში ჩატარებულ თურქულენოვანი ქვეყნების თანამშრომლობის საბჭოს სამიტზე გამოსვლისას თურქეთის პრეზიდენტმა აბდულა გიულმა განაცხადა.
გიულის თქმით, თურქულენოვან ქვეყნებს შორის თანამშრომლობის გაძლიერება აზიის რეგიონის განვითარებისთვის მნიშვნელოვანი ნაბიჯია: "თურქულენოვან ქვეყნებს შორის თანამშრომლობის გაძლიერება აზიის რეგიონის განვითარებისთვის მნიშვნელოვანი ნაბიჯია. თურქულენოვანი ქვეყნები მსოფლიო არენაზე ერთმანეთს მხარს უჭერენ და ერთმანეთის წარმატებები უხარიათ. დღეს ჩვენ ერთმანეთს მხარი უფრო მეტად უნდა დავუჭიროთ და ძალისხმევა გავაერთიანოთ. ამისთვისაც არსებობს საბჭო. ჩვენ თანამშრომლობის გაძლიერებისთვის პროექტების გაგრძელებას ვაპირებთ".
თურქეთის პრეზიდენტმა ისიც აღნიშნა, რომ თურქულენოვანი ქვეყნები ევროპისა და აზიის, ჩრდილოეთისა და სამხრეთის დამაკავშირებელ რეგიონზე მდებარეობს: "ამ პროექტის ყველაზე მნიშვნელოვანი ნაწილი აზერბაიჯანთან ერთობლივად განხორციელებული ბაქო-თბილისი-ყარსის პროექტია. ეს სარკინიგზო ხაზი თურქულ ქვეყნებს შორის ვაჭრობისა და ურთიერთობების განვითარებას ხელს შეუწყობს. როგორც პროექტის გაგრძელება ბაქო-აქტაუს და ბაქო-თურქმენბაშის პორტებს შორის საბორნე ხაზის ჩამოყალიბებაც ამ სფეროში მნიშვნელოვანი ნაბიჯია. ამ პროექტთან ჩინეთიდან ევროპაში პირდაპირი კავშირი შეიქმნება. მარმარისის პროექტის რეალიზებით დასავლეთ ევროპიდან გამოსული მატარებელი პირდაპირ აზიაში და ჩინეთში ჩავა. ეს მომავალში თამაშების შემცვლელ პროექტად დარჩება. ისტორიაში რომ ჩავხედოთ, თურქული ქვეყნების სიძლიერის პერიოდში აბრეშუმის გზა მსოფლიოს მთავარი სავაჭრო გზა იყო. აბრეშუმის გზა თურქული ქვეყნების ეკონომიკური განვითარების და პოლიტიკის გაძლიერების გასაღებია".
გიულმა აღნიშნა, რომ ქვეყნებს შორის სახმელეთო ტრანსპორტის განვითარებისთვის დაფიქსირებული კვოტების აღმოფხვრის, საბაჟოზე ამავე სტანდარტების მოდერნიზების განხორციელების საჭიროება არსებობს.